Доби милиони на лотарија, а сега е должен до гуша: Еден се скара со семејството, друг се разведе, трет почина за една недела

Добивањето на лотарија можеби изгледа како остварување на сонот, но за некои луѓе, големата добивка им го променува животот на полошо. Едноставно не успеваат да се справат со парите кои „паднале од небо“.

Многумина сакаат да добијат пари, но кога тоа навистина ќе се случи, многумина се неподготвени, па избрзуваат и прават работи што обично не би ги направиле.

Ова се само неколку приказни за луѓе чиишто живот по добивката се претворил во ноќна мора.

Ја напуштил работата што ја сакал

- Професорката во средно училиште освои 21 милион долари. Мораше да ја напушти работата која ја сакаше, бидејќи студенти и колеги наставници ја малтретираа поради пари - наведува еден човек.

Смртна казна за мојот однос со моето семејство

Од Колорадо доаѓа приказната за 27-годишен маж кој освоил 20.000 долари на лотарија пред неколку години.

- Тоа беше смртна казна за мојот однос со моето семејство. Имав членови од семејството со кои не разговарав со месеци, па дури и години, и кои ме контактираа само поради пари. Станав „братучедот со пари“.

Тој додава дека не жали што ги добил парите, туку жали што јавно кажал за парите.

– За жал, мојата држава не дозволува анонимно прифаќање на добивката – заклучува тој.

Кога излезе во јавност, настана пекол

– Мојот поранешен вереник освои нешто повеќе од 86 милиони долари неколку недели откако ме запроси – ја започнува приказната друга личност.

Тоа го чувал во тајност неколку месеци и за тоа време правел планови.

- Меѓутоа, во Илиноис не можете да ја земете добивката анонимно, па кога излезе во јавност, настана пекол. 

Пропаст на брак

- Жалење не е вистинскиот збор. Но, жалам што не знаев како да се справам со победата. Жал ми е што на крајот таа придонесе за пропаст на мојот брак – изјавила 60-годишна личност од Флорида.

– Парите станаа алатка за преговарање во нашиот брак и исто така некако не принудија помалку да работиме на нашата врска, не поделија – заклучува тој.

Едно ферари, па друго

- Пред многу години некој во мојот роден град доби на лотарија. Купија црвено Ферари и го скршија една недела подоцна. Потоа купија уште едно. Во моментов немаат ништо, што е тажно затоа што имаа доволно да си го променат животот.

Не им остана ни денар

- Се сеќавам на едно семејство кое освои 10 милиони долари пред 25 години. Купиле огромна куќа и автомобили и слично. Денес веќе не живеат во таа куќа и последно што слушнав не им останало ни денар -и за жал сега должат повеќе од пред добивката

Го удри во глава

- Вујко ми доби на лотарија и тоа го удри во глава. Даде отказ и почна да купува непотребни работи. Членовите на семејството постојано му бараа пари и тој секогаш им даваше. На крајот имаше многу долгови и повеќето од луѓето кои му должеле не му вратиле - гласи друга приказна.

Се предозирал и починал

- Апсолутно најлошата катастрофа што ја видов беше од пријател. Тој доби 2,3 милиони долари. Веднаш потроши милион долари како аванс за нарачаните егзотични автомобили кои требаше да пристигнат за неколку месеци. Потоа продолжи да троши по 50.000 долари дневно на сексуални работници, дрога и алкохол за своите пријатели, раскажа друго лице.

- На крајот се предозира и починал. За помалку од една недела.

извор:kurir.rs