„Џенан Лончаревиќ е нула од човек“- Мајка му плаче цело време од срам, а пејачот сака да ѝ ја земе куќата на сопругата

Како бомба одекна во медиумите веста за разводот на Џенан Лончаревиќ и неговата сопруга Самира.

По тој повод  екипа на српски Курир отиде во родното Пријепоље на пејачот. На лице место ја видоа семејната куќа на Лончаревиќ опкружена со големи огради од сите страни.

На самиот влез имаше железна капија, а пред вратата беа паркирани велосипеди, додека ролетните беа целосно спуштени. Во дворот можеа да забележат и голем број чевли, маси и неколку автомобили на паркингот.

Пред нивниот дом ги затекнаа нивните први соседи кои беа шокирани и изненадени од разводот на парот.

- Мајката на Џенан Љубица не може да се помири со ситуацијата што и ја создал нејзиниот син. Таа секојдневно плаче од тага бидејќи е многу приврзана за снаата Самира. Жал ми е и за таа негова сопруга бидејќи имаше тешка операција на белите дробови. Нивните деца се одлични, но гледам дека таа е нерасположена изминативе неколку дена. Толку се бореше за таа музика, но всушност е нула како личност. Така зборуваат сите овде откако се дозна дека води двоен живот - ни рече еден сосед, а потоа се надоврза друг:

- Шокирани сме од нивниот развод. За нив овде можеме да зборуваме само суперлативи. Верувајте дека тоа беше толку хармонично семејство, што оваа вест не остави сите без зборови. Сега Самира живее овде со двете златни деца и мајката на Џенан. Тој доаѓаше повремено на секои две недели, но никој не би помислил дека нешто лошо се случува таму во нивните четири ѕида. Самира работи во судот, а таму работеше и нејзината мајка. Сите ги цениме овде. Кога слушнавме дека со години живее со друга жена, се шокиравме. Тоа не ни можевме да го сонуваме - ни рече соседот.

Извор: Курир