Забава // Занимливости

(ФОТО) Царот е гол, буквално: Откриени голи фотографии од Николај Романов

  • 13 Ноември, 2020

Фотографиите на царот Николај Втори без облека биле направени за време на патувањето во Финска во 1912 година.

Поминаа повеќе од 100 години откако заврши владеењето на царот Николај Втори Романов за време на февруарската револуција. Од абдикацијата, тој беше во домашен притвор заедно со семејството во замокот Царско Село.
Во летото истата година, со одлука на Привремената влада, тој беше испратен со семејството во Тоболск, а во пролетта 1918 година, болшевиците го префрлија во Екатеринбург, каде што го застрелаа на 17 јули 1918 година, заедно со неговото семејство и четворица слуги. Но, приказната за Романови е сè уште жива.
Особено сега кога се објавени фотографии на кои се гледа како Никола Втори плива. 


Фотографиите се направени за време на неговото патување во Финска во 1912 година, а за првпат беа прикажани во 2018 година, како дел од проектот # Романов100, архивите на руската држава покрената на стогодишнината од убиството на кралското семејство.
Тие повторно се најдоа во центарот на вниманието на јавноста пред неколку дена кога фотографката Марина Амарал ги објави на својот профил на Твитер.
Зошто фотографиите на гол владетел се толку интригирачки?
Не станува збор за голотија, туку за голотија на владетел, чиј јавен имиџ мора да биде недопирлив, пишува National Geographic. Тој ја претставува државата и не смее да биде претставен како немоќен. Не можеше да се замисли царот, особено на таква моќна империја како руската, да се најде во ситуација кога некој би бил помоќен од него. Голиот император пред објективот сигурно не припаѓа на тој наратив за моќта.
Се разбира, царевите уживаа и во слободно време, имаа свои ритуали и слабости, но тие слики тогаш не стигнаа до јавноста - затоа сега тие предизвикаа толку големо внимание.

извор:telegraf.rs

Можеби ќе ве интересира