(ВИДЕО) Газдата му подари автомобил да не доаѓа пешки на работа: Директори каде сте вие?

Да имаше повеќе вакви, директори каде ќе бевме...

Сопственикот на компанија за селидби во Алабама, САД, му дал на работникот автомобил, бидејќи пешачел околу 32 километри, со цел да стигне навреме на работа, јавува Anadolu Agency (AA). 

 Американските медиуми пишуваат дека, откако му се расипал автомобилот, Американецот Валтер Кар морал да пешачи ноќ и ден за да стигне до својата нова работа. Џени Лами, првиот клиент за кој Кар работел тој ден, му понуди пауза на работникот откако дозна дека одел со часови.
„Не можам да ви кажам колку ме трогна Валтер и неговата приказна“, изјави Лами пред новинарите.

Лук Марклин, извршен директор на компанијата во која Кар се вработи, откри што се случило, а наскоро се сретна и со неговиот нов вработен. Откако испи кафе, Марклин му ги даде клучевите од неговиот Форд од 2014 година, за неговата жртва и посветеност.
- Искрено ме воодушеви - рече сопственикот на американската компанија. Кар подоцна им изјави на новинарите дека е многу благодарен што му се даде можност да работи. „Сакав да им покажам дека сум посветен. Реков дека ќе стигнам на работа, на еден или на друг начин “, рече Кар, додавајќи дека ништо не е невозможно ако навистина се постигне.