Ги кастрирале пред пубертетот за да му донесат богатство и слава на семејството: Кои биле кастрираните?

Пред да бидат забранети во четиристотини години на почетокот на 20 век, наместо жени пееле кастрати. Мажи кои биле кастрирани на млади години за да им остане гласот непроменет.

Откако Римокатоличката црква им забранила на жените да пеат во црква во текот на 16 век, се појавиле кастрати - машки сопран, мецосопран или алт, чиј глас не се продлабочувал. Како? Така што момчето би било кастрирано пред да влезе во пубертет и на тој начин би било спречено да ја смени бојата и опсегот на гласот на прво место. Но, бидејќи оваа процедура била технички незаконска, нивните родители морале да ги однесат кај бербер или хирург за да може да ја изврши процедурата во задната просторија на неговата работилница, без анестезија. Во исто време, проценките се дека 20 отсто од нив би умреле после ова поради компликации.

Додека останатите оделе во училиште за кастрирани - со измислената приказна дека ги нападнала дива свиња, која ги оставила без тестисите - за да ги исполнат очекувањата на нивните семејства и да им донесе слава и богатство.

Кастрацијата на младите пејачи наводно била ограничена на Италија, но тие биле популарни и барани низ цела Европа. Затоа, тие патувале низ континентот и заработиле огромни хонорари за нивните настапи. Некои од најпознатите од кастрираните се Франческо Бернарди, попознат како Сенесино и Карло Броски, попознат како Фаринели.

Никој како Фаринели

Според некои извештаи, Сенесино заработил до 3.000 гвинеи за своите изведби на годишно ниво, а како водечки пејач на Кралската академија за музика, во еден момент бил ангажиран во дури 17 водечки опери во Лондон. Сепак, никој не можел да му парира на Фаринели, кој заработувал  речиси двојно повеќе од него и кој поминал две децении во приватна служба на кралот Филип V.

Многу познати композитори од тоа време биле воодушевени од неговите таленти, поради што сакале да соработуваат со него. Сепак, тој, како и многу негови колеги, често пати страдал од бројни здравствени проблеми предизвикани од кастрација на млада возраст. Освен убавата боја на гласот, врз основа на која исполнувал бројни концертни сали, повеќето од нив биле екстремно високи поради нарушена работа на хормоните.

На подоцнежна возраст, тоа предизвикало и проблеми со остеопороза или дополнителен стрес на нивните други органи, како што се вилиците, носот и градите. Во 2006 година, телото на Фаринели беше ексхумирано, по што научниците открија дека тој е висок и дека има задебелена коска на челото, или состојба позната како хиперостоза на фронталната коска. Карактеристична за жените, а некои од главните симптоми вклучуваат главоболки, депресија и други ментални проблеми.

До 19 век, побарувачката за кастрати се намалила

Или едноставно кажано, веќе не биле толку барани и модерни. Пред сè, затоа што на жените им било дозволено повторно да пеат во текот на 18 век, а во меѓувреме ставовите кон кастрацијата многу се промениле. Кастратите станале срам, поради што самиот папа на почетокот на 20 век ја забранил употребата на кастрати во црковното пеење.

Дотогаш повеќето од овие пејачи биле одамна пензионирани, со исклучок на „Римскиот ангел“, т.е. Алесандро Морески, кој се пензионирал една деценија по воведувањето на забраната. Но, со развојот на современите технологии, неговиот глас е снимен непосредно пред неговата смрт во 1921 година, поради што можеме да слушнеме како звучел и денес.

Фото и Видео: Youtube