Ѓоковиќ немаше сила да издржи на тренинзите, ама ја смени исхраната: Вака изгледа неговото МЕНИ за 3 дена!

Кога сфатил дека е алергичен на глутен, го сменил начинот на исхрана и оттогаш тој е непобедлив

Пред неколку години, Новак Ѓоковиќ испроба сè, за да може да го надмине колапсот на енергијата што го доживеа во текот на играта, што на крајот го чинеше неколку трофеи.

Тој честопати правеше неколку паузи за време на тренингот за да издржи, но и често повраќаше од напор. Исцрпеноста беше неговиот голем проблем. Во еден момент, тој помисли дека исцрпеноста е поврзана со астма, го смени тренерот, па дури и направи операција на носот. Исто така, тој започна да вежба јога за да ја собере енергијата што му беше очајно потребна. Сепак, лекарот и нутриционист Игор Цетојевиќ предложи едно решение. Гледајќи го Новак на натпреварите, Четојевиќ беше сигурен дека Ѓоковиќ е алергичен на пченица.

Обука и исхрана

Ѓоковиќ денот го започнува со 20 минути јога или таи-чи, по што појадува. Потоа тој прави специфичен тренинг во траење од час и половина, а потоа се оптегнува.

По ручекот, тој тренира со тегови или лента, а потоа зема протеински пијалок. После тоа, тој игра тенис околу 90 минути и потоа се релаксира додека не се оладат мускулите.

По тренингот јаде, а кога јаде не гледа телевизија или на мобилен телефон - максимално и се посветува на храната, пишува „The Independent“.

Вака изгледа неговото тридневно мени:

Прв ден:

Појадок: Пие големи количини вода, а потоа зема 2 лажици мед; мусли (органски овес без глутен, брусница, суво грозје, семки од тиква или сончоглед и бадеми).

Ужина: крекер без глутен со авокадо и туна.

Ручек: Салата од мешан зелен зеленчук, тестенини без глутен, тиквички, аспарагус, сушени домати, веге сирење.

Ужина: јаболко со путер; диња

Вечера: Салата од кељ, анасон, киноа и ореви, аншоа или сардини; супа; филети од лосос.

Втор ден:

Појадок: Големи количини вода, 2 лажици мед; банана со лажица путер, или повеќе.

Ужина: тост без глутен со путер од бадем и мед.

Ручек: Салата од зелен зеленчук, тестенини без глутен, црвена пиперка, рукола, индиски ореви, босилек.

Ужина: овошје и ореви.

Вечера: салата од туна со боранија, грав, рукола, домат. Супа од домати.

Трет ден:

Појадок; Големи количини вода, 2 лажици мед, овес без глутен со индиски путер и банана; или друго свежо овошје.

Ужина: домашен хумус и јаболка.

Ручек: Салата од зелен зеленчук, тестенини без глутен со песто.

Ужина: Авокадо со крекери без глутен.

Вечера: Свежа салата од зелен лиснат зеленчук, супа од морков ...