Го навредуваат дека работи „женска работа“: Марко е најсреќен со својата професија како „машка бабица“
Фото: zena.blic.rs printscreen
Висок, згоден, насмеан. На прв поглед би рекле – успешен спортист. Или модел, или можеби пилот. Сепак, неговото занимање е веројатно последната опција што би ви паднала на ум кога првпат ќе го запознаете овој млад човек, бидејќи тој во никој случај не е типичен „маж“.
Напротив, мајчинството, бебињата, доењето и слични работи некако отсекогаш се сметале за „женска приказна“. Но, Марко Обрадовиќ од Белград не мислел дека треба да биде така, ниту пак верува во поделбата на „машки“ и „женски“ работни места.
Се запишал во медицинско училиште, на насоката педијатрија, веќе 13 години работи во белградско породилиште и е експерт за доење и нега на бебиња, па многумина на шега го нарекуваат „машка бабица“.
Тој не крие дека на почетокот имало чудење, точно дека мајките не очекувале дека после породувањето маж ќе ги научи како да дојат и да го пресоблекуваат бебето, но со текот на времето тоа чудење спонтано исчезнало.
