Ја пронашол совршената жена, потоа ја изневери и ја остави поради оваа бизарна причина: Сега има порака за сите изневерени жени

Исповедта на маж кој ја изневерил својата, како што вели тој, совршена девојка, можеби ќе ве доближи барем малку до машката психа и зошто тие се посклони кон изневерување во врските, и ќе го открие размислувањето барем на оваа личност:

„Разбирам дека ќе има многу осудување, но генерално тоа е она што го заслужувам, бидејќи не ги оправдувам моите постапки. Тоа не е ни чин на самосожалување, бидејќи јас не сум жртвата тука. Да, ја изневерив девојката, сега бившата. Дали мислам дека тоа беше неморално? Да, апсолутно.

Зошто го направив тоа? Поради несигурност, завист и огорченост. Цел живот се чувствував физички непривлечно. Се убедував себеси дека единствената причина зошто девојките беа во врска со мене беше поради моите одредени особини на личноста или вниманието. Изневерувањето и сексот со друга девојка беше мој начин да си докажам дека некој ме сака од чисто сексуални причини. Секако, повторно нагласувам, ова не го оправдува моето дејствие.

Дали би го направил тоа повторно? Не знам. Не знам дали сум станал подобар човек. Лесно е да се каже дека нема, но што би направил ако бидам во искушение? Решив да не влегувам во врски и решив да бидам искрен со себе и со другите, но откако некој ќе изневери, веројатно е дека ќе изневери повторно.

Дали некогаш дознала? Не. Не е проблем за мене да кажам, но проблемот е лошиот ефект што ќе го има врз нејзината психа. Знам дека многу би ја повредило и би ѝ ја уништило самодовербата. Немаше да направи никаква корист. Да знаев дека нема да ѝ биде тешко, веднаш ќе признаев.

Таа девојка што ја изневерив не го заслужуваше тоа. Се однесуваше кон мене со многу љубов и почит. Нема никакви поплаки од мене.

Ако некој некогаш те изневери, знај дека тоа нема апсолутно никаква врска со тебе и дека едноставно си била со погрешна личност. Секогаш е до личноста што изневерила, односно личност како мене, каде што причината е сомнежот во себе и лабавиот морал. И никогаш повеќе не му верувај на човек што изневерила барем еднаш, бидејќи луѓето не се менуваат толку лесно.“