Забава // Занимливости

Каква легенда: На 37 години оствари три неверојатни кариери- војник, лекар и астронаут

12 Август, 2022

Џони Ким завршил колеџ и добил диплома по математика. Но, математиката не бил животен пат за него, бидејќи времето поминато во морнарицата на САД го инспирирало да стане доктор

Кога сме помлади, имаме многу идеи за тоа што сакаме да бидеме кога ќе пораснеме. Понекогаш сакаме да бидеме повеќе од тоа, но едноставно сме принудени да избереме само еден правец. Но, тоа не е случај со др. Џони Ким. Имено, до 37-та година од животот, тој постигна три неверојатни пресвртници во кариерата, од кои секоја може да трае цел живот. Тој сега е Navy SEAL (работи за американската морнарица), лекар обучен на Харвард и астронаут на НАСА.

Сите се прашуваат како успеал - и сето тоа за толку кратко време? Всушност, му помогнало тоа што тој немал поим што сака да биде кога ќе порасне - што му дало простор за нови можности. Кога Ким имал 16 години, првпат слушнал за американската морнарица (Navy SEAL) и решил да аплицира за неа наместо да оди на колеџ.

Решен да го освои своето место во тимот на Navy SEAL, Ким добил место во елитната единица и бил доделен во SEAL Team 3. За време на неговата воена кариера, тој извршил над 100 борбени операции и служел како борбен лекар за специјални операции, навигатор и снајперист. Пред да ја напушти морнарицата, тој бил награден со сребрени и бронзени ѕвезди за храброст.

Потоа отишол на колеџ и се запишал на Универзитетот во Сан Диего каде што добил диплома по математика. Но, математиката не бил животен пат за него, бидејќи времето поминато во американската морнарица го инспирирало да ја следи својата следна животна цел - да стане лекар. Додека служел во морнарицата, тој се чувствувал беспомошен гледајќи ги неговите сонародници убиени во акција. Сакал да помогне во лекувањето на другите и тоа го направи. Во 2016 година дипломирал на Медицинскиот факултет Харвард.

„Сите сме многу посилни и поспособни отколку што всушност мислиме. А тоа е она на што ме научија тимовите на SEAL. Војната, исто така, ме научи многу за тоа како да бидам човек и да имам единствен фокус ако сакам да влијаам и на тој начин успешно да ја извршувам јавната служба“, рече тој.

Мисијата на Ким да му „служи на човештвото“ не запре ниту во лекарската ординација. Во 2017 година, НАСА го избра за астронаут, со што стана првиот Американец од Кореја на таа позиција. Тој сега е дел од тимот на НАСА ARTEMIS и би можел да замине на Месечината веќе во 2024 година, пишува My Modern Met.

Фото: Инстаграм

Фото насловна и Видео: Youtube