Забава // Занимливости

Мадрид ја освои титулата најдобар град за здрав и избалансиран живот

01 Октомври, 2025 19:32

Платформата за резервации на патувања „Омио“ анализираше 17 различни фактори за да открие кои европски градови нудат најдобри услови за здрав и избалансиран живот и за жителите и за посетителите. На врвот на листата беше главниот град на Шпанија, Мадрид, со вкупен резултат од 78,62 од можни 100 поени.

Мадрид доби високи оценки

Здравјето во урбаните средини е под влијание на многу работи, од квалитетот на воздухот и нивото на бучава, до достапноста на зелени површини, можностите за рекреација и бројот на сончеви денови. „Омио“ ги зеде предвид сите работи, вклучувајќи го бројот на спа центри, теретани, нивото на загадување и пристапноста за пешаци. Мадрид доби високи оценки во речиси сите категории, а особено се издвои благодарение на високиот квалитет на живот, дури 360 спа центри и просек од 2.712 сончеви часови годишно. Не е ни чудо што неодамна беше прогласен за еден од најсончевите главни градови во Европа.

На второ место се најде Лисабон, со резултат од 75,36, што исто така не е изненадувачки - особено откако градот најави отворање на нови мирни зони и бесплатен пристап до некои од своите најзелени градини.

Третото место го освои Виена, а Загреб, Љубљана и Будимпешта беа меѓу првите 20 градови што се издвоија како најсоодветни за здравје и благосостојба.

20-те најдобри европски градови за здравје и благосостојба:

*Мадрид

*Лисабон

*Виена

*Прага

*Амстердам

*Хелсинки

*Копенхаген

*Талин

*Рим

*Загреб