Мајка на две деца со ампутирани раце и нозе: Сè започна како уринарна инфекција, но лекарите не слушаа

Ким Смит, 63, од Милтон Кинс, мајка на две деца, ги загуби обете раце и обете нозе откако честа уринарна инфекција се претвори во тешка сепса. Нејзината приказна е предупредување за тоа колку брзо и тивко сепсата може да го нападне телото, дури и со навидум безопасни инфекции.

Навидум безгрижен одмор

Во 2018 година, Ким била на одмор во шпанското одморалиште Аликанте со својот сопруг Стив кога почувствувала симптоми на уринарна инфекција. Лекарот ѝ препишал антибиотици, но не можеле да ги земат таа вечер бидејќи аптеката немала на залиха.

Вечер која што промени сè

- Се разбудив во четири часот наутро и помислив - ќе умрам - рече Ким во видео на TikTok кое е прегледано повеќе од 793.000 пати.

- Имав сериозна криза со дишењето, говорот ми беше бавен и нејасен, бев збунета, ми беше студено, ми се тресеше и имав треска - додаде таа.

Шокантна дијагноза

Стив ја однел итно во болница каде што ѝ била дијагностицирана тешка сепса. Истиот ден, таа била ставена во индуцирана кома, а следниот ден рацете ѝ посинија.

- Во Шпанија, им кажаа на моите деца дека имам црни прсти на рацете и нозете. Рацете ми беа црни до лактите.

По шест недели на апарати за одржување во живот, Ким беше вратена со авион во Англија, во Универзитетската болница Милтон Кинс.

@kims2dchance #uti #urineinfection #infection #ladiesoftiktok #sepsis #urinarytractinfection #staysafe #dmannose #gummies #sepsissurvivor original sound - Kims2ndchance

Будење во кошмар

Три недели по враќањето во земјата, Ким полека се разбудила од кома.

- Кога се разбудив, можев да видам дека рацете и нозете ми се црни. Знаев дека ќе мора да ги ампутираат.

Во болницата Бедфорд, Ким беше подложена на четирикратна ампутација - двете раце и двете нозе над коленото.

Рехабилитација и борба за нов живот

По операциите, Ким помина 12 недели на физичка рехабилитација. Таму, со физичка и емоционална поддршка од персоналот, научи да живее без своите екстремитети.

- Не ја задржувајте урината во себе. Ако ви се мокри, направете го тоа. Задржувањето може да доведе до инфекција, а инфекцијата до сепса - вели Ким.

- Ако чувствувате дека нешто не е во ред, ако имате тешкотии со дишењето, конфузија, говорот е забавен, не го игнорирајте тоа.

Што точно е сепса?

Сепсата е екстремна реакција на имунолошкиот систем на инфекција, кога телото почнува да ги напаѓа сопствените ткива и органи. Симптомите честопати личат на грип, но брзо можат да станат фатални.

Препознајте ги раните знаци на сепса:

*Висока или многу ниска температура

*Забрзан пулс

*Потење и бледило

*Забрзано дишење, конфузија, тешкотии при говорење

*Ладна и леплива кожа

*Појава на модринки или темни дамки на кожата

*Намалено или целосно отсуство на мокрење

Предупредувачка статистика

Според Светската здравствена организација, дури 11 милиони луѓе умираат од сепса годишно. Само во Велика Британија, таа одзема околу 48.000 животи годишно. УТИ (инфекции на уринарниот тракт) се меѓу најчестите причини.

Токму затоа Ким истакнува:

- Ве молам, ако имате чувство дека нешто не е во ред - инсистирајте да посетите лекар. Побарајте тестирање за сепса. Побарајте второ мислење. Не заминувајте ако чувствувате дека не ве сфаќаат сериозно.

Знаењето спасува живот

Иако звучи застрашувачки, приказната на Ким Смит е силен повик за будност. Оваа инфекција не е само „женска болест“, туку е можен предизвикувач на фатална реакција ако не се лекува навреме.

Да бидеме внимателни кон нашето тело. Тоа секогаш нè предупредува, единственото прашање е дали го слушаме.