Масовен надзор: Сноуден објасни како нè шпионираат „паметните“ телефони и како да го спречиме тоа

Мобилните телефони однапред ги собираат сите информации со надеж дека еден ден ќе бидат корисни, изјави Едвард Сноуден за системот на масовен надзор.

Едвард Сноуден, поранешен вработен во ЦИА, соработник на НСА и свиркач, кој доби азил во Русија во 2013 година, откако откри тајна американска програма за масовно прислушување, му гостуваше на популарниот водител Џо Роган.

Како гостин на Џо Роган во емисијата „Искуство“, која траеше речиси три часа, Сноуден опиша како точно не шпионираат „паметните“ телефони што ги користиме и што можеме да направиме за да го избегнеме тоа, пренесува хрватскиот портал „Индекс“.

„Големата работа што се промени од 2013 година е тоа што сега мобилниот уред е на прво место“, рече Сноуден, објаснувајќи дека прислушувањето денес најчесто се врши преку „паметни“ телефони, бидејќи луѓето ги користат почесто од компјутерите.
- Имате мобилен некаде во собата. Исклучен е - барем екранот му е исклучен. И ако некој ви испрати порака - екранот „оживува“. Како се случува тоа?, праша Сноуден.

Секој чекор е забележан

„Секогаш кога ви е вклучен мобилниот, има евиденција за вашето присуство на тоа место. Секој „паметен телефон“, општо мобилен, постојано е поврзан со најблискиот предавател. Дури и кога екранот е исклучен и мислите дека не прави ништо, не можете да го видите затоа што радиофреквенциите се невидливи, но тој „вреска“ во воздухот, велејќи „Тука сум, тука сум“, движењата на вашиот мобилен се вашите движења како личност и тие често се единствени и можете да бидете идентификувани преку нив“, рече Рогану.

„Ова значи дека секогаш кога носите мобилен телефон, секогаш кога е вклучен, постои евиденција за вашето присуство на тоа место, создадена од компании“, додаде тој, но тие компании тоа го гледаат како вредна информација“, рече тој, додавајќи дека податоците порано беа минливи, но сега се чуваат засекогаш: „Не е важно дали сте направиле нешто погрешно или сте најобичниот човек на светот, бидејќи така функционира масовниот надзор“.

„Вака се создава „основната колекција“, која е владин еуфемизам за масовен надзор. Тие едноставно го собираат сето тоа однапред со надеж дека еден ден ќе биде корисно“, додаде Сноуден, одговарајќи со видео врска од непозната локација во Русија.

„И овде зборуваме само за тоа како се поврзувате на мобилната мрежа. Не ги разгледуваме сите оние апликации што ја контактираат вашата мрежа уште почесто (од вас). Тој нагласи: „Треба да го идентификуваме проблемот. А проблемот со користењето на „паметните телефони“ денес е што немате поим што прават тие во даден момент“.

Посебен проблем кај денешните „паметни“ телефони е тоа што батериите не можат да се вадат, како кај старите, „глупавите“, што осигурува тие да не се тајно вклучени. Но, за обичен човек е доволно едноставно да го исклучи мобилниот, заклучил Сноуден.