Му ја отсекла машкоста, па ја фрлила во канализација: Полицијата во текот на истрагата била шокирана

Овој случај од јужноамериканската земја ја шокираше јавноста, но кога се дозна зошто жената го направила овој монструозен чин, многумина не се изненадија.

34-годишна жена од близина на Сао Паоло во Бразил, ја шокираше полицијата со својата страшна приказна. Таа признала дека прво му поставила стапица на сопругот, го намамила во кревет, а потоа го врзала за да го изврши ужасниот чин.

Според пишувањата на локалните медиуми, жената детално опишала како му ги врзала рацете и нозете на својот сопруг за креветот, а потоа со остар предмет му ја отсекла машкоста.

По чинот, жената наводно го фотографирала отсечениот орган и потоа го фрлила во тоалетот, со што ја вознемирила полицијата и јавноста со овој грозоморен чин.

Кога подоцна и се предала на полицијата, детално објаснила дека отсечениот генитален орган го фрлила во тоалетот затоа што слушнала дека може да се сошие назад, што укажува на некаква сигурност во нејзината одлука.

Нејзиното предавање во полиција беше невообичаено. Таа самоуверено влегла во полициската станица, следена од нејзиниот брат и без двоумење изјавила:

– Добравечер, господине, дојдов да се предадам затоа што штотуку му го отсеков пенисот на мојот сопруг.

По овој вознемирувачки инцидент, таа сега е во притвор и се соочува со обвинение за обид за убиство. Додека полицијата продолжува со истрагата, тие сè уште не ги коментирале нејзините тврдења дека нејзиниот сопруг имал секс со нејзината 15-годишна внука.

Сопругот (39) бил пронајден жив и итно пренесен во болница за укажување лекарска помош, но засега нема информации за неговата здравствена состојба. Оваа драматична ситуација остава многу прашања неодговорени додека истрагата продолжува.

Фото:freepik