НАЈСКАПО УМЕТНИЧКО ДЕЛО: Легендарниот портрет на Мерилин Монро продаден за цело богатство

Познатиот портрет на Мерилин Монро од американскиот мајстор за поп-арт Енди Ворхол е продаден за 195 милиони долари во Њујорк, со што стана најскапото уметничко дело на 20 век продадено на јавно наддавање.

Цената на портретот на Мерилин Монро ги урива претходните рекорди на продажба на дела во 20 век, „Жените од Алжир (верзија 0)“ од Пабло Пикасо продадена на аукција за 179 милиони 400 илјади. Апсолутниот рекорд - во сите периоди заедно - за уметничко дело ставено на аукција му припаѓа на „Salvator Mundi“ од Леонардо да Винчи, продаден во ноември 2017 година за 450 милиони 300 илјади.

Рекордот на аукцијата на Ворхол го држеше „Silver Car Crash“, монументално платно што прикажува сообраќајна несреќа што беше продадена за 105 милиони долари во 2013 година.

Насликана со свилено мастило и акрилик, „Shot Sage Blue Marilyn“ е еден од петте портрети во живи, заситени, контрастни бои.

Портретот е дел од колекцијата ставена на продажба од Фондацијата Томас и Дорис Аман во Цирих, именувана по швајцарскиот дилер и колекционер на уметнички дела Томас Аман, пријателот на Ворхол кој почина од СИДА во 1993 година, и неговата сестра Дорис. Сите приходи од продажбата ќе бидат наменети за фондација која, според Кристи, е посветена на „поддршка на животот на децата“  за здравје и образование.

Фото и Видео: Youtube