Научниците го создадоа првиот синтетички ембрион: Има мозок, црева, а и срце што чука

фото: FACEBOOK/DISEASEZINFO

Научниците успеаја да создадат синтетички ембриони од матични клетки земени од кожа на глувци.

Во комплексен експеримент, научниците успеаја да користат матични клетки за да создадат ембрион со цревен систем, мозок и срце што чука.

Биологот Јаков Хане од научниот институт „Вајсман“ истакнува дека резултатите се неверојатни, особено кога ќе се земе предвид дека не е користена сперма, јајце клетка или матка. Ембрионот е создаден исклучиво со користење на матични клетки за осум дена.

Научниците додаваат дека ова достигнување би можело да го отвори патот за одгледување вештачки ембриони, кои се користат во медицината за одгледување органи за трансплантација 

Етички проблем или идеално решение?

Етичкото прашање за користење на човечки ембриони како извор за матични клетки кои се користат за растење на органи се дебатира низ научната заедница веќе некое време. Израелскиот тим тврди дека има подобро решение, бидејќи синтетичките ембриони се многу слични на природните, но не можат да се вградат.

Нивното достигнување сугерира дека сега е можно да се одгледуваат ембриони со помош на специјален систем за инкубација во кој секој од нив лежи во контејнер исполнет со течност. Ги обезбедува сите потребни услови за развој, како што се идеална температура, притисок и однос на гас, како и раствор кој содржи хранливи материи.

Последниот успех е само еден во низата, бидејќи тимот на научници од Израел е веќе добро познат кога станува збор за проучување на матични клетки. Тие претходно успеаја да развијат метод на репрограмирање во најраните фази на развојот на матичните клетки, кои потоа имаат најголем потенцијал да преземат специфична улога во процесот на формирање на ткиво.

Резултатите од студијата беа објавени во списанието Cell.