Неверојатна љубовна приказна: Ако бидеме самци на 40 години, ќе се венчаме!
Двојка која се раздели во своите дваесетти години се согласи дека ако на 40 години бидат самци, ќе се венчаат. И тоа навистина го направија. По неколку случајни средби, болни врски, на крајот сепак завршија заедно
Маири Гордон (49) и Рис Меклелан (48), по случајна средба во 2015-та година, почнаа да се дружат, повторно се заљубија еден во друг и на крајот се венчаа на 25-ти март 2017-та година во Единбург.
Во своите дваесетти години тие беа двојка, но во 1995-та година одлучија да се разделат, а направија пакт ако се уште се сами во четириесеттите години дека ќе се венчаат, пишува Daily Mail.
- Никогаш нема да го заборавам денот кога прекинавме. Точно се сеќавам на разговорот кога се согласивме дека ако сме самци во четириесетти години, ќе се споиме повторно и ќе се венчаме. Сè уште не можам да верувам дека навистина го сторивме тоа - се сеќава Маири.
- Со мојата пријателка отидовме на модна ревија организирана за добротворни цели за „Saint Columbus Charity“ - започнува Маири.
- Рис доброволно се пријавил во таа хуманитарна компанија и работел на тоа шоу каде што го сретнав. По целиот овој настан сите заедно отидовме на пијалок. Искрите се појавија повторно. Но, во тој момент двајцата бевме во врска и никој од нас не сакаше да стори ништо. Впрочем, јас живеев во Корнвол, и тој беше во Единбург - се сеќава Маири.
Три години по средбата со Рис, Маири прекина со момчето по 12-годишна врска и се пресели во Единбург.
Ниту еден од нив не беше во брак и немаше деца во текот на сите овие години. Во тоа време, Рис беше во пократки врски, но го помина сам поголемиот дел од своето време.
- Еден ден ги сретнав мајката и сестрата на Рис во продавницата и конечно ги прашав за неговиот број. Се најдовме на пијалак и беше убаво, но сѐ уште патев по поранешното момче - објаснува Маири.
- Една година подоцна дознав дека мајката на Рис имала рак и завршила во болница. Му се јавив за да му дадам поддршка и да дознаам дали може некако да му помогнам. Полека почннавме да се зближуваме и неколку месеци подоцна почнавме да излегуваме заедно. Но, се чувствував несигурно и брзо ја прекинав врската, иако повторно се вљубив. Се плашев дека некој повторно ќе ме повреди - објаснува Маири.
Дури во 2015-та година, Рис и Маири одлучија повторно да влезат во врска и да си дадат вистинска шанса. Ова се случи по несреќата на Маири.
- Кратко откако повторно се сретнавме, имав несреќен случај на работа каде што бев повредена на моето колено. Рис постојано беше со мене. Зборувавме, се смеевме, ќе одиме во продавница, па дури и ќе подготвуваме оброци. Во тој момент сфатив дека тој е токму оној човек што секогаш го сакав и дека никогаш не престанав да го сакам- раскажува Маири.
- Тој вели дека сум љубовта на неговиот живот- срамежливо додава таа.
- Следната година се веривме. Тоа беше вистинскиот чекор за нас. 25-ти март 2017-та година беше денот кога конечно станавме маж и жена. Се венчавме во „Томас Мортон“ во Единбург. На почетокот сакавме на 24.03, датумот кога мајка ми умре, но немаше слободни термини. Често се сеќавам на мајка ми, која секогаш велеше дека она што е за мене нема да помине покрај мене, а да не забележам. И тоа беше така - заклучува Маири.
