Никој не смее да излаже пред неа - инаку устата на вистината ќе му ја одгризе раката, така вели легендата
Се вели дека оваа релјефна глава служи како детектор за лаги.
Ако некогаш сте го гледале филмот „Празник во Рим“ од 1953 година, можеби сте ја виделе сцената во која актерите Хепберн-Пек стојат пред чудна камена маска. Тоа е Устата на вистината, мермерен релјеф од 4 век п.н.е. која е вградена во ѕидот на црквата Света Марија Космедин во Рим, а чија симболика одговара на ликовите кои не се искрени еден со друг.
Релјефот со дијаметар од 1,75 m прикажува непознато божество, со отворени очи и уста - правејќи го да изгледа изненаден. Дури и денес, археолозите и историчарите не се сигурни која била неговата првична цел, иако имаат неколку идеи.
Со оглед на тоа што се наоѓа во близина на стариот сточен пазар, т.е. на античкиот форум Боариум, каде што и денес се наоѓа храмот на Херкулес Виктор, се претпоставува дека таму бил користен како покривка за отворот на средината на покривот. Додека друга теорија сугерира дека се користел внатре во храмот за ритуално жртвување стока, на Херкулес.
Но, има и такви кои тврдат дека тој бил дел од градската канализација во поелитен дел од градот, т.е. покривка која служела за покривање на одводите кои ја собирале отпадната вода и ја однеле од градот.
Која и да е вистината, таа била отстранета од првобитната локација во 13 век и пренесена во црквата Света Марија Космединка. Оттогаш па сѐ до денешно време, легендите за овој камен во облик на глава на старо римско божество не престануваат да се раскажуваат, поради што тој стана една од незаменливите атракции на Вечниот град.
Еден од најпознатите вели дека главата ќе ја одгризе раката на секој што ќе ја стави раката во уста. А народот вели дека припадничките на понежниот пол низ вековите ги носеле своите сопрузи на ова место и ги терале да се заколнат дека им се верни. Има сведоштва дека некои судски случаи се решавале токму пред вилицата, за која се верувало дека служи како детектор за лаги.
Фото: Инстаграм/Youtube - screenshoot
Извор: nationalgeographic.rs
