Нова теорија за изгледот на Исус Христос - урива сѐ што со векови се сметало за вистина (ФОТО/ВИДЕО)
Првиот приказ на Исус, кого христијанството го слави како син Божји, е создаден во 4 век, тоа е исклучиво визија на уметник, бидејќи во ниту едно од евангелијата не се споменува како изгледал Исус, пишува „Популарната механика“.
Потребата да се додаде лик на неговото свето име била силна потреба на христијаните со векови, а општо прифатената слика на Исус најмногу била под влијание на сликарите од Европа, кои живееле во средниот век и ренесансата. Тие го прикажаа Исус како убав, висок, со светол тен и главно сини очи.
Дополнителен проблем е што нема скелети или други остатоци за ДНК тестирање. Поради недостиг на докази, сликите на Исус се препуштени на имагинацијата на уметниците. Влијанијата на различните уметнички култури и традиции може да бидат длабоки, според Карлос Ф. Кардоза-Орланди, професор по христијанство на теолошката семинарија Колумбија во Атланта.
Одговорот дојде од ново возбудливо поле на науката: форензичка антропологија.
Имено, користејќи методи слични на оние што ги развила полицијата за решавање на злосторствата, британските научници, потпомогнати од израелски археолози, го рекреирале она што тие веруваат дека е најточната слика на најпознатата личност во историјата на човештвото.
This is what Jesus Christ looked like. He was a Palestinian Jew. pic.twitter.com/DAj7oQNFvl
— Soccer Goblin (@auktheballer1) July 6, 2022
Ричард Нејв, лекар во пензија и уметник од Универзитетот во Манчестер користел форензичка антропологија со цел да се добие точен портрет на Исус Христос. Во текот на изминатите две децении, тој пресоздаде десетици познати лица, меѓу кои и Филип Втори Македонски, таткото на Александар Македонски и кралот Мида од Фригија. Кога некој би можел да создаде точен портрет на Исус, тоа би бил Нејв.
Нејв и неговиот тим истражувачи го добиле семитскиот череп од израелски археолози. Со помош на рендгенски снимки на черепот, тие направиле т.н „парчиња“ па го користеле компјутерот за да добијат мускули и кожа на типичен семитски череп. Според еврејската традиција, Исус имал кратка, кадрава коса и брада, а не светла, долга што обично се опишува.
Изгледот на Исус е толку карактеристичен за Евреите од Блискиот Исток кои живеат во регионот Галилеја во северен Израел. Освен тоа, Исус не бил особено висок - се верува дека имал само околу 166 сантиметри, пренесува Стил.
