„Омразата и алчноста те прават глупав“: Почина Хозе Мухика, поранешниот претседател на Уругвај кој го сметаа за најсиромашен

Поранешниот претседател на Уругвај, Хозе Мухика, важеше за најскромниот претседател на светот. Тој почина ама остана скромен дури и како пензионер, неодамна одби да добие пензија, а својот дом и имот го подари на околу стотина деца кои останаа сираци за време на сириската војна. 

Некогаш како „најсиромашниот претседател на светот“ немал телохранители, возел „буба“, живеел на фарма, а околу 90 отсто од својата месечна плата, која изнесувала околу 12.000 долари, ја донирал во добротворни цели. 

Но не заврши тука, претседателската палата ја користеше само за состаноци и средби со државници, но во студените денови таму останаа бездомници и нивните семејства. За време на неговото владеење, Уругвај беше третата најразвиена земја на континентот и една од ретките земји кои успеаја да ја избегнат рецесијата и да одржат позитивна стапка на раст.

Живееше до крајот на живот во селска куќа со своето триножно куче. Тој велеше дека живее како мнозинството, а не како малцинството на уругвајскиот народ и дека така треба да живеат сите други лидери, односно живот на обичен граѓанин. Се друго е бесмислено и лажно. И тој сметаше дека ако претседателот не може слободно да оди по улица без телохранител, тоа значи дека нешто згрешил.

Мухика беше навикнат на скромен живот. Откако се борел за слободата на својата нација, во младоста поминал 14 години во затвор како воен заробеник.

Неговото мото е: „Омразата и алчноста те прават глупав“.