Ова растение носи заработка и до 50.000 денари по ар: Лесно е за одржување, а може да се одгледува и на балкон

За мали простори како што се балконите, доволно е руколата да се засади во пошироки саксии или гајби, а со редовно сеење свежи листови, може да се ужива во неа речиси преку целата година.

Руколата е чест додаток на разни јадења и сендвичи.
Иако во продавниците се продава по прилично висока цена, нејзиното одгледување во сопствена градина или дури и на балкон е едноставно и исплатливо.

Една од главните предности е брзиот раст – првите лисја може да се соберат 3–5 недели по сеидбата, а растението се обновува по кастрењето, што овозможува повеќекратна берба. Добро ја поднесува и пониската температура, па може да се одгледува речиси цела година.

Сеењето најдобро успева напролет и наесен кога температурите се меѓу 10 и 20 степени. Во лето е препорачливо да се сее во делумна сенка. Семето се сее плитко (0,5–1 см), со растојание од околу 10 см меѓу редовите. За постојано свежи лисја, се сее на секои неколку недели.

Руколата бара редовно полевање

Руколата не бара многу нега, но потребно е редовно наводнување, бидејќи сувата почва ја прави горчлива. Со малку компост ќе расте одлично, без потреба од силни ѓубрива.
Бербата започнува брзо, а може да се бере лист по лист или цело растение. Еден квадратен метар дава до два килограми рукола по сезона – што е значителна заштеда споредено со продавничките цени.

Инвестиција и заработка

Минималната инвестиција за започнување е околу 2.600 денари, доколку земјоделецот веќе има опрема. Во просек се потребни од 4.000 до 6.000 денари, а максимално до 7.800 денари ако сè се купува и изнајмува.

Просечниот принос по сеидба е од 80 до 120 килограми по ар, односно 250 до 500 килограми годишно на отворено поле.

Руколата на големо се продава во ресторани и пазари по цена од околу 80 до 130 денари за килограм, додека малопродажната цена се движи од 160 до 260 денари.
Со просечна цена од околу 100 денари за килограм, годишниот приход изнесува приближно 40.000 денари, а со инвестиција од 6.000 денари – нето добивката е околу 34.000 денари по ар годишно.

Во стаклена градина се можни 6 до 8 сеидби годишно, со принос до 800 килограми по ар, што може да донесе заработка над 50.000 денари годишно.

(Извор: Kamatica)