Потона јахта кај италијанскиот брег, спасени сите девет патници (ВИДЕО)

Суперјахтата Сага пловела од Галиполи во јужна Италија до Милака на Сицилија во саботата, кога капетанот испратил повик за помош среде ноќ за да каже дека водата навлегува во бродот кај крмата.

Крајбрежната стража однела четворица гости и еден член на екипажот - сите Италијанци, на безбедно, но ситуацијата брзо се влошила и бродот потонал околу 13 часот во неделата, за среќа и четворицата други членови на екипажот биле спасени.

Денеска е објавено видеото од  драматичниот момент кога суперјахтата од 40 метри потона во близина на брегот на јужна Италија, откако наиде на проблеми доцна во ноќта.

При преминувањето на Заливот на Сквилас - на крајот од италијанската „чизма“ - бродот почна да тоне, а доцна вечерта капетанот испрати повик за помош.

Фото и Видео: Youtube