Работник од Балканот: „Во Германија заработувам 2.200 евра, еве колку ми останува кога ќе платам сѐ“

Многу луѓе се прашуваат колкави се трошоците за живот денес во земјите од Европската унија. Информациите и мислењата често се контрадикторни.

Што може да се направи со 2.200 евра во Германија?

Балканец на Фејсбук објави колкава му е месечната заработка во Германија и колку пари му остануваат откако ќе се подмират сите месечни обврски.

Во својот реел на Фејсбук наведува дека заработува 2.200 евра месечно, од кои 700 евра плаќа за стан, 200 за автомобил, 50 за гориво, 400 за храна, 300 за кредит и осигурување, 100 за мобилен телефон, а под категоријата разно изјавил дека троши уште 200 евра. Според оваа пресметка му остануваат уште 250 евра за да „преживее“.

Краткото видео за месечната заработка и трошоците за живот во Германија собра повеќе од 2.000 коментари.

Некои тврдат дека „животот во Германија не е подобар“, други се прашуваат кој троши толку пари на кредити. Се јавија и некои кои живеат во други земји, пишува Nacional.

„Јас и мојата сопруга живееме во Австрија со 3.500 евра. Покрај сите сметки и трошоци, ни остануваат доволно за секоја година да одиме на езеро, четиринеделен годишен одмор и да живееме одличен живот“, „Додека живеев во Босна бев само во минус“.

Многумина почнаа да ги споредуваат балканските плати и трошоци за живот со оние во странство. Беа понудени и некои интересни теории.

„Платата во Србија е 700 евра, а трошоците за живот се повисоки отколку во Германија“, напиша еден. Други возвратија: „Оние кои се фалат дека животот е убав таму лажат како кучиња, јас бев една година горе и се вратив со повеќе долгови отколку што имав“.

Имаше и такви кои освен што пристојно живеат во странство, успеваат солидно да штедат. „Овие податоци се лажни. Јас и мојот сопруг заработуваме над 6.000 евра. За стан со комуналии плаќаме околу 1.500 евра. Околу 1500 одат на храна,  останува една плата за заштеда и патување!“

Некои сметаат дека алчноста за скапи автомобили е главен проблем.

„Проблемот на Балканот е што, кога ќе пристигнат на Запад, веднаш мора да купат скап автомобил и тоа е првата грешка.

Еве уште неколку коментари на Фејсбук: „Гледам дека сите се вратиле на Балканот затоа што им е лошо“. „Само сакам да ги прашам оние кои трошат 1.500 евра месечно за храна - што јадете? , „Немаме кредити, ни кола, а платата ни е повеќе од 2000 евра и двајцата не преживуваме, туку живееме добро. , „Супер ми е, две години сум во Германија и заштедив пари за кои можев само да сонувам во Србија.“, „Ако ти е толку тешко, тогаш врати се“.