„Се смеев и плачев истовремено“: Ќерката на Џеј Рамадановски го кажа своето мислење за филмот „Недела“

Марија Рамадановски, ќерка на починатиот пејач Џеј Рамадановски, во своето последно интервју ги сподели своите впечатоци од филмот „Недела“, снимен според биографијата на нејзиниот татко.

- Филмот го видов на премиерата и можам да кажам дека сум задоволна од она што го видов. Бев среќна и тажна во исто време што гледав филм за него. Актерите беа одлични, би ги пофалила сите. Татко ми имаше многу бурен и разновиден живот, па да траеше филмот пет часа, немаше да може да се прикаже неговиот живот во целост – изјави Марија за медиумите.

- Работите се вистинити, сцените се вистинити … На некои настани се смеев, дури и плачев. Имаше многу животни работи што ни ги кажа, но не беа прикажани, но би ја издвоила сцената со јагнето, која ме воодушеви, за која и тој постојано зборуваше. Татко ми никогаш не претендирал да биде ѕвезда, легенда. Секогаш велеше дека самиот Господ ти го дава тоа што треба. Од филмот се гледа и дека тој пеел дома, и дека никој не можел да претпостави што ќе стане подоцна. Сè е до судбината и до Бога. Како што е кажано, така ќе биде. Што се однесува до колегите на тато, секој има право на свое мислење, јас не би се мешала во тоа – изјави ќерката на Џеј и додаде:

- Сега од оваа перспектива разбирам дека требаше да поминам многу повеќе време со него и многу ми е жал поради тоа – заклучи Рамадановска.