Семејство од 19-ти век немало женско дете во својата лоза: Што се криело зад долго чуваната тајна?

Двојката откри дека една работа го направила доаѓањето на нивната ќерка на светот уште поспецијално

Еден пар од Мичиген, Керолин и Ендрју Кларк, станаа дел од историјата на нивното семејство кога ја пречекаа ќерката Одри пред две недели. Според семејното стебло, предците на Ендру немале женски деца од 1885 година, што го прави раѓањето на Одри нешто што не се случило во нивната лоза многу години.

Како што пренесуваат медиумите, семејството изјавило дека нема тајна во раѓањето на машки деца, сето тоа е случајност.

Каролин рече дека ја слушнала оваа интересна приказна пред десетина години, кога почнала да излегува со својот сопруг, но не можела да поверува.

- Ги замолив неговите родители да ја потврдат таа информација, а тие ми рекоа: „Не, немавме женско дете во нашето семејно стебло“. Имаше чичковци и братучеди кои имаа девојчиња, но немаше девојче во нивната лоза - изјавила Каролин во емисијата „Добро утро Америка“.

Парот откри дека доживеале спонтан абортус минатата година, што го направило доаѓањето на нивната ќерка на светот уште поспецијално.

-Кога дознавме дека ќе имаме дете, искрено не ни беше важно дали во тој момент ќе имаме момче или девојче. Бевме само благодарни за бременоста и се молевме за здрава бременост и здраво бебе – изјавила Каролин за локална телевизија.

При раѓањето, Одри тежела 2,95 килограми и била долга 49,5 сантиметри.

ФОТО: фрипик