Синиот кит секој ден јаде 43,6 килограми микропластика, но тоа не е единствениот податок кој загрижува

Со следење на популацијата на китови кои живеат во близина на брегот на Калифорнија, научниците дојдоа до одговор кој ги изненади.

НАЈНОВОТО ИСТРАЖУВАЊЕ проценува дека сините китови јадат до 10 милиони парчиња микропластика секој ден, што значи дека загадувањето со пластика претставува поголема закана за најголемото животно во светот отколку што се мислеше. Ситни фрагменти од пластика може да се најдат речиси насекаде - од најдлабоките океани до највисоките планини, па дури и во човечките органи и крвта. Сепак, научниците сега направија проценка за тоа колку микропластика внесуваат китовите.

За да го најдат одговорот, тие означиле 191 сини китови, китови перки и грбави китови кои живеат во близина на брегот на Калифорнија и ги набљудувале нивните движења.

Биологот и еколог Ширел Кан-Рапорт од Државниот универзитет во Калифорнија објаснува дека е откриено дека китовите главно се хранеле на длабочини помеѓу 50 и 250 метри, каде што се наоѓа најголемата концентрација на микропластика. Експертите потоа ја процениле дневната количина на храна и бројот на каснувања, како и процентот на филтрирана содржина, создавајќи три можни сценарија. Според најверојатното, сините китови јадат до 10 милиони фрагменти микропластика дневно - односно повеќе од милијарда годишно. Со други зборови, најголемото животно што некогаш живеело на Земјата е веројатно и најголемиот потрошувач на пластика бидејќи јаде околу 43,6 килограми од неа дневно.

Иако повеќето претпоставуваат дека китовите ја внесуваат оваа количина на микропластика со голтање на океанската вода, тоа не е така. Бидејќи 99 отсто од микропластиката била внесена преку плен кој веќе имал фрагменти во него.

Тоа нè загрижува бидејќи луѓето консумираат ист плен, а ние јадеме аншоа и сардини“, рекол Кан-Рапорт, а пренесуваат агенциите. Таа додаде дека главен извор на храна за китовите се планктонските ракчиња, за кои некои претходни студии потврдија дека содржат микропластика. Сега кога научниците знаат колку микропластика трошат сините китови, нивната следна цел е да утврдат колкава штета може да предизвика на нивните тела.

извор: nationalgeographic.rs

foto:freepik