Со увоз на 100.000 стерилни комарци Загреб ќе се бори против наезда: А ова се 18 интересни факти за најнесаканиот инсект на планетата

Чудна и несекојдневна вест пристигна од Хрватска, во Загреб ќе се оплодуваат женките комарци со стерилни мажјаци.

Главниот град на Хрватска, Загреб ќе увезе 100.000 стерилни машки комарци од Италија и ќе ги пушти во лет за да се спаси од наездата на тигрести комарци која го очекува регионот ова влажно лето. Како што пишува Индекс, 100.000 стерилни машки комарци ќе ги оплодат женките, кои потоа ќе произведат јајца кои нема да доведат до потомство и на овој начин биолошки ќе се намали бројот на тигрести комарци присутни во една област.

1. Комарците се познати уште од тријасскиот период – пред 400 милиони години.

2. Досега се регистрирани вкупно 3.549 видови комарци.

3. Просечниот комарец тежи околу 2,5 милиграми.

4. Просечниот женски комарец зема околу 5 милионити дел од литар крв за време на хранењето.

5. Комарците не наоѓаат домаќин случајно (тие го набљудуваат движењето) со детектирање на инфрацрвени зраци од топлите тела; и хемиски сигнали (комарците ги привлекуваат јаглерод диоксид и млечна киселина, меѓу другите хемикалии) на растојание од 25 до 35 метри.

6. Комарците се меѓу најбавните инсекти и летаат со брзина од 1-2,4 km/h

7. Повисоките луѓе често се попривлечни за комарците бидејќи тие се поголеми мети и произведуваат повеќе привлечни (јаглерод диоксид и млечна киселина).

8. Темната облека е попривлечна за некои видови комарци отколку облеката со посветла боја.

9. Некои студии покажуваат дека движењето на домаќинот кај комарецот го зголемува процентот на каснувања до 50%

10. Во едно истражување се покажа дека полната месечина ја зголемува активноста на комарците до 500%

11. Како дел од студијата на Арктикот, научниците ги изложиле градите, рацете и нозете и регистрирале дури 9.000 каснувања од комарци по лице за една минута. Со ова темпо, незаштитен човек би изгубил половина крв во рок од еден час.

12. Женките комарци земаат само крвен оброк за да снесат јајца, додека мажјаците се хранат со нектар.

13. Фреквенцијата на движење на крилата на комарецот е 300-600 пати во секунда.

14. Комарците предизвикуваат повеќе смртни случаи од кое било друго животно на Земјата. Тие се носители на разни болести вклучувајќи маларија, денга треска и жолта треска кои се пренесуваат на луѓето и животните кога комарците се хранат со нив.

15. Кога женката го зема својот оброк со крв, нејзиниот стомак се шири и може да држи до три пати поголема тежина.

16. Комарците претпочитаат крвна група О, луѓе со повисока телесна температура, трудници и луѓе со респираторни проблеми, сето тоа затоа што овие луѓе произведуваат повеќе јаглерод диоксид кој ги привлекува.

17. Животниот век на женскиот комарец е од две недели до неколку месеци, додека мажјаците живеат само една недела.

18. Машките комарци пронаоѓаат женки по звукот што нивните крилја кои го испуштаат при лет.

Фото: unsplash

Извор: nationalgeographic