Заборава сè за 7 секунди: Има најлош облик на амнезија и со неа живее скоро 40 години (ВИДЕО)

Се започнало со вирус...

Клајв Веринг се сеќава на своето минато до моментот на фаталниот вирус кој беше пред 37 години. Речиси 40 години, неговото сеќавање е ограничено на само 7 до 30 секунди. Овој случај е единствен во медицината, а ова е приказната на Клајв.

Амнезијата е состојба на губење на свеста која може да настане по тешка сообраќајна несреќа, траума или болест.

Клајв Веринг (84) ја има најлошата форма на амнезија досега, со која живеел 37 години. Неговото сеќавање трае малку подолго отколку со златна рипка. Додека нејзината меморија е само 3 секунди, онаа на Клајв е 7 секунди.

Веринг бил пијанист, музичар, диригент, композитор и професионален тенор во Вестминстерската катедрала. Во далечната 1985 година имал силен вирус и малкумина мислеле дека ќе го преживее. Сите беа зачудени што Клајв успеа да ја победи болеста која го нападнала неговиот централен нервен систем. Би било поправилно да се каже дека Клајв ја добил војната, но изгубил многу битки. Последица на вирусот била амнезија, така што неговата меморија е генерално ограничена на околу 7 секунди, а најмногу на 30 секунди. Психологијата и медицината не паметат ваков случај, поради што неговата амнезија се нарекува „30 секунди Клајв“.

Веринг се сеќава на некои детали од неговото минато од пред речиси 40 години. Се сеќава и на музика и свири на клавир, но не може да ја следи самата музика бидејќи не разбира кога почнал да ја свири мелодијата или кога ја завршил композицијата. Кога во собата влегува неговата сопруга Дебра, бидејќи заборава кога излегла, и се радува како да ја гледа првпат во животот.

- Никогаш не сум видел ниту еден маж. Единствената личност што ја познавам цел живот е мојата сопруга Дебра. Никогаш во животот не сум отишол на лекар, ниту сум бил болен. Единствено што знам е дека ја познавам Дебра иако не знам каде ја видов првпат. Знам и да свирам, но нотите не ги знам. Ми велат дека имам деца и сестра, но никогаш не сум ги видел – е мислењето на овој човек.