Живот на карпа висока 40 метри: Столбот Качи, едно од најмирните места во светот (ВИДЕО)

Столбот на животот или столбот Качи е природен варовнички монолит во истоименото село на запад од Грузија, кое е опкружено со долината на реката Качура.

Висок е околу 40 метри, а на врвот на столбот Качи се наоѓаат остатоците од црквата Свети Максим Исповедник, која датира од 9 или 10 век, крипта, винарска визба и остатоци од некогашно утврдување.

Целиот простор на врвот зафаќа само 150 квадратни метри, а бидејќи нема лифт, може да се искачи само со раце, нозе и малку среќа.

Затоа, не е чудно што објектите на врвот беа долго запуштени.

Првото регистрирано искачување се случило во 1944 година, кога планинарите Александар Јапарџе и Леван Готуа на врвот го пронашле телото на претходниот жител на врвот.

Се претпоставува дека тоа било место за тивко размислување и молитва, наменето за пустиниците кои сакале да се одвојат од остатокот од светот.

Поинтензивно истражување беше спроведено помеѓу 1999 и 2009 година, кога објектите беа обновени со помош на Националната агенција за зачувување на културното наследство на Грузија, а беше додадена и црквата Симеон Столпник.

Сегашниот жител има 67 години. Тоа е свештеникот Максим Кавтарадзе, кој изработи импровизирани скали со кои двапати неделно се спушта и се качува на столбот на животот. Намирниците му се доставуваат со помош на колички.

Фото и Видео: Youtube