20 години си отслужи казна наместо брат му близнак: Конечно е ослободен, а братот го моли за прошка

Човек од Чикаго, погрешно осуден за убиство, по 20 години поминати во робје, излегол од затвор, каде што робувал наместо својот брат близнак, откако неговиот брат близнак признал дека тој е тој што го извршил делото.

44-годишниот Кевин Дугар (44) конечно беше ослободен од затворот во округот Кук во Чикаго во средата - девет години откако неговиот брат близнак Карл Смит, исто така, 44, признал во писмо до Дугар во 2013 година за убиството во врска со пресметка меѓу двете банди во 2003 година.

- Морам да си ја олеснам душата пред да ме убие! Само сакам да признаам и ќе се молам да ми простиш! – напишал Смит во 2013 година

И покрај признанието, судијата го одби повторното судење на Дугар во 2018 година, откако Смит го призна убиството, додека Дугар отслужуваше 99-годишна затворска казна за упад во куќа во 2008 година во која шестгодишно дете доби прострелна рана во главата, пишува Дејли меил.

Смит дури потпишал заклетва и ги контактирал адвокатите на Дугар, на барање на неговиот брат, но на Дугар сепак му било одбиено повторно судење или ослободување.

Смит сведочелдека ја напуштил забавата и отишол да купи трева кога се случило пукањето и тој и неговиот другар се упатиле до продавницата за алкохол пред да се вратат дома. Подоцна се пресоблекле, а потоа излегле во клубови со својот брат.

Подоцна признал дека не се појавил на судењето на неговиот брат бидејќи не мислел дека ќе биде осуден.

Сепак, судијата го сметал признанието на Смит за „целосно неверодостојно“, бидејќи двајцата наводно се преправале дека се еден со друг и рекол дека има „шема на погрешно насочување и измама“.

До осмо одделение близнаците се облекувале подеднакво и делеле чорапи, чевли, па дури и сендвичи, изјавила нивната мајка во 2016 година, па често ги сметале за „една личност“.

Смит дури имал проблем да се идентификува на фотографиите претставени на сведочењето во 2016 година.

Но, таа пресуда подоцна беше поништена од Апелациониот суд откако Центарот за погрешни пресуди поднесе жалба на случајот. Новиот судија рече дека поротата повеќе од веројатно ќе ја промени пресудата откако ќе слушне нови докази, објави Чикаго трибјун.

Смит сведочеше за убиството во 2016 година, велејќи: „Тука сум да го признаам злосторството што го направив за кое беше погрешно обвинет брат ми“.

Адвокатот на Дугар, Рон Сафер, оттогаш изјави дека не сакаат случајот на Дугар повторно да се суди.

Дугар во преодна станбена зграда ќе престојува 90 дена, под условите на ослободување, а од затвор го пречекале со семејството.

Фото: фреепик