500 милиони долари: Ова е новата најскапа куќа на светот, но тајната е во ова

Немаше заинтересирани купувачи на аукциската продажба на најскапата вила во светот, римското казино Вила Бонкомпани Лудовизи, позната и како Вила Аурора, па беше донесена одлука да се организира нова аукција кон крајот на оваа година.

Меѓу кандидатите за кои се зборуваше дека се сопственици на величествената вила се и некои од најпознатите имиња на милијардери, меѓу кои и Бил Гејтс - основачот на Мајкрософт. Но, се чини дека засега никој не е подготвен да ја одвои потребната сума од 471 милион евра.

Вила Лудовизи беше проценета на 471 милион евра, но минималната сума што судот би ја прифатил е 353 милиони евра.

Имотот од 2.800 квадратни метри со зградата Вила Аурора се наоѓа во близина на улицата Венето и е една од најскапите куќи што некогаш биле понудени на продажба со почетна цена на аукција од 471 милион евра.

Вилата Аурора е проценета на таа сума, меѓу другото и затоа што содржи мурал на познатиот римски барок Караваџо, објави Би-Би-Си.

Ако аукцијата успееше, вилата ќе беше најскапиот продаден имот во историјата.

Нов обид за аукциска продажба ќе следи во април, кога вилата ќе биде понудена за 20% пониска почетна цена, соопшти британскиот јавен сервис.

Голем дел од вредноста им се припишува на муралите на италијанските барокни сликари, Караваџо и Франческо Барбиери Гуерчино, како и вредните уметнички дела од големо културно значење на други познати уметници.

Неколку соби на вилата Аурора биле насликани од Гуерчино, вклучувајќи ја и главната сала за бал со римската божица на зората Аурора, по која зградата го добила своето име.

Најскапоценото дело во Вила Аурора е секако ѕидното сликарство на Караваџо од 1597 година, кое ги прикажува боговите Јупитер, Нептун и Плутон, и кој е единствениот познат засводен мурал насликан од овој познат римски барокен уметник.

Само ова дело на Караваџо во Вила Аурора се проценува на 310 милиони евра.

Покрај скапоцените фрески, Casino Villa Boncompany Ludovisi Villa Aurora има вековна историја на познати посетители, вклучувајќи го американско-британскиот писател Хенри Џејмс, рускиот композитор Петар Илич Чајковски и многу други.

Кога во јавноста стигна информацијата за лицитацијата за можеби најпознатата зграда во Италија, граѓаните не се израдуваа на можноста вилата што ја прикажува нивната историја да падне во рацете на странци.

Покрената е петиција наречена „СОС за култура на продажба“, на која се собрани 35.000 потписи.

Според експертите за уметност, единствената фреска на Караваџо, Јупитер, Нептун и Плутон, од 1597 година, е непроценлива.

Вилата била во сопственост на 77-годишниот Никола Бонкомпани Лудовиси, но по неговата смрт во 2018 година дошло до конфликт околу наследството меѓу третата сопруга на принцот и неговите синови од првиот брак, на кои Николо им оставил дел од имотот.