Беше ѕвезда во „70-тите Шоу“: Сега е обвинет за три обиди за силување

Актерот Дани Мастерсон, најпознат по улогата на „70-тите Шоу“, е обвинет за три обиди за силување, објави обвинителот на округот Лос Анџелес, Џеки Лејси.

Мастерсон беше уапсен во 11:30 часот по полноќ во средата и беше ослободен непосредно пред 3 часот попладне. 

Мастерсон е обвинет за силување на три жени во  инциденти кои се случиле меѓу 2001 и 2003 година, се вели во соопштението од Окружниот правобранител.

Неговото сослушување е закажано за 18 септември.

Во изјавата за Си-Ен-Ен, адвокатот на Мастерсон, Том Месеро рече: „Г-дин Мастерсон е невин, и ние сме убедени дека тој ќе биде ослободен кога сите докази конечно ќе излезат на виделина и сведоците ќе имаат можност да сведочат“.

Во изјавата се додава: „Очигледно, господинот Мастерсон и неговата сопруга се во целосен шок со оглед дека овие обвинувања за пред  20 години, одеднаш резултираат со поднесување обвиненија, но тие и нивното семејство се утешени знаејќи дека на крај ќе излезе вистината на виделина. Луѓето кои го познаваат господинот Мастерсон го знаат неговиот карактер и знаат дека тврдењата дека се лажни “.

Властите велат дека Даниел Мастерсон е обвинет за силување на 23-годишна жена помеѓу јануари и декември 2001 година. Тој, исто така, наводно силувал 28-годишна жена во април 2003 година и 23- годишна жена некаде помеѓу октомври и декември истата година, се вели во соопштението.

Сите наводни злосторства се случиле во домот на Мастерсон во Холивуд Хилс, соопштија властите.

Заменик-окружниот правобранител, Рајнхолд Мулер, на Секторот за сексуални злосторства го гони случајот.
Доколку биде осуден, Мастерсон се соочува со можна казна до 45 години, доживотен затвор.

Во соопштението од Окружниот правобранител се вели дека канцеларијата одбила да поднесе обвиненија за сексуален напад против Мастерсон во два други случаи, „еден за недоволни докази, а другиот заснован на статутот на ограничувања за наводното кривично дело“.

Мастерсон е најпознат по улогата на Стивен Хајд од „70-тите“, што се емитуваше осум сезони од 1998-2006 година.

Во претставата глумеа и Мила Кунис, Ештон Качер, Лора Препон и Вилмер Валдеррама.

извор:CNN