Бугарката Ружа е најбараната жена на листата на ФБИ: Нема шанси да ја најдат или приведат, но што правела таа?

Ружа шест години е најбараната жена на листата на ФБИ

Неверојатната приказна за Бугарката која ја направи измамата на векот и ја заинтригира јавноста. Сега сите се прашуваат: Каде се крие Ружа?

Бугарката Ружа (Руја) Игнатова неодамна се најде на листата на најбарани на ФБИ, а оваа „кралица на криптовалутите“ се бара веќе неколку години.

Како може жената зад една од најголемите и најеклатантните измами да излезе од авион во Грција и само да исчезне? Многумина се прашуваат како и каде отишле 4-те милијарди долари или скоро 15 милијарди долари што ги украла преку OneCoin, нејзината лажна криптовалута. Човекот кој го истражува нејзиниот живот во последните години ја сподели својата теорија за тоа што ѝ се случило на Игнатова.

Игнатова исчезна во Атина во 2017 година. Таа потоа беше барана од меѓународните агенции за борба против криминалот, кои истакнаа дека таа го користела OneCoin за да направи измама што наликувала на Понзи шемата на Берни Медоф по обем и дрскост.

Во 2019 година, таа беше обвинета по пет точки од обвинението, вклучително и заговор за извршување измама и перење пари. Потоа беше ставена на листата „10 најбарани“ на ФБИ – станувајќи единствената жена на таа листа. Беше понудена награда од 100.000 долари за секоја информација што ќе доведе до нејзино апсење.

Запрашан зошто наеднаш била засилена потрагата по оваа жена, портпаролот на ФБИ одговорил: „Сметаме дека јавноста е во најдобра позиција да обезбеди информации за нејзината локација и активности“. И додека се шпекулира каде се крие, никој всушност не знае со сигурност каде е Игнатова, ниту дали е се уште жива.

Џејми Бартлет, чија истрага го привлече глобалното внимание на приказната на Игнатова, рече дека соопштението на ФБИ ги зголеми шансите таа да биде фатена. Тој сега ја сподели својата теорија за тоа што се случи со Игнатова во авторски текст во Дејли Меил.

„Врз основа на стотици извори, вклучително и инсајдери во светот на луксузните јахти и пентхауси каде што живеела Игнатова, мојата теорија е дека таа живеела во родната Бугарија, подоцна во Дубаи, каде што е поврзана со замок вреден неколку стотици милиони долари. Заливската држава стана „премногу жешка“ таа се врати во меѓународните води. Мојата теорија е дека таа го живее луксузниот живот на приватна суперјахта во Медитеранот“, изјави Бартлет.

Тој истакна дека сега сигурно нема да може да биде препознаена врз основа на фотографиите кои се објавени во јавноста.

„Се верува дека Игнатова била подложена на пластична операција за да го промени нејзиниот изглед, како и дека ја обоила својата црна коса во руса. Бидејќи имала голем број врски со несоодветни соработници - вклучително и бројни влијателни Руси и бугарски криминални групи, можно е Игнатова повеќе да не е жива“, изјави Бартлет.

Сепак, тој додаде дека некои информации, меѓу кои и некои од минатото лето, укажуваат на спротивното.

„Вооружена со нов лик, ново име и пристап до бесконечна сума пари, теоријата е дека таа ужива на отворено море каде ниту една полиција не може да ја уапси, додека оние кои и помогнале се соочуваат со сериозни затворски казни“, рече Бартлет.

Игнатова последен пат беше видена во јавноста во 2017 година, кога пристигна инкогнито на летот на Ryanair во 7 часот наутро од Софија за Атина. Нејзиниот план за бегство бил однапред смислен бидејќи сфатила дека крипто империјата што ја основала во 2014 година е пред колапс. До 2017 година, не само што инвеститорите почнаа да се прашуваат зошто OneCoin ја нема „блокчејн“ компјутерската технологија што му даваше легитимитет на трговска валута, туку и ФБИ зборува околу она што тие се сомневаа дека е масовна пирамидална шема.

"Колегите веруваа дека Игнатова стана нервозна. Таа почна да жонглира помеѓу неколку мобилни телефони и стана параноична дека ќе ја киднапираат лути инвеститори. Една блиска пријателка се присети дека дури и се плашела за својот живот", вели Бартлет.

Тој истакна дека додека чувствувала дека нејзината куќа од карти е пред колапс, Игнатова веќе му испратила е-пошта на својот соработник Себастијан Гринвуд со план.

Стратегија за излез. Земете ги парите и бегајте, а вината нека ја преземе некој друг“, изјавила Игнатова.

Бартлет истакна дека во првите три години по исчезнувањето на Игнатова, тој патувал низ светот во обид да дојде до неа. Потрагата ги одвела до седиштето на OneCoin во Софија, потоа во црноморското одморалиште Созопол, каде што била закотвена нејзината јахта „Давина“ вредна околу 7 милиони евра. Потоа патувањето ги однесе во Амстердам, Шкотска, Романија, Германија и Уганда.

Потрагата стана уште потешка бидејќи Игнатова почна да прави пластични операции во 2015 година и во тоа време веќе изгледаше поинаку од жената која раководеше со OneCoin.

„Хирургот од Лондон објасни дека некој со нејзиното богатство може лесно да си купи нови образи, вилица, нос и нови усни“, рече Бартлет.

Тој истакна дека до крајот на 2020 година успеал да ја состави најдобрата претпоставка каде може да биде Бугарката.

„Откако се симна од летот на Рајанер на 25 октомври 2017 година, отпатува за Солун, каде имала фабрика за тутун. Таму поминала неколку дена, а потоа се вратила во Бугарија“, вели Бартлет.

Постои и теорија дека озлогласениот бугарски шверцер на дрога, Кристофорос „Таки“ Аманатидис, познат како „кралот на кокаинот“, помогнал да се организира безбедно минување со автомобил на шверцерската рута меѓу двете земји.

„Сепак, рацијата на германската полиција во седиштето на OneCoin во Софија во 2018 година ја убеди дека Бугарија не е безбедно засолниште. Во текот на следните неколку месеци, Игнатова постојано беше пријавувана дека била видена во Дубаи - во луксузен трговски центар, ресторан и на приватни јахти. Имавме информации дека таа во тоа време живеела сосема отворено во Дубаи“, изјави Бартлет. Таа, како што истакнува, сметала дека нема шанси да биде екстрадирана во Германија или во САД.

Дека оваа теорија за Дубаи е веројатно точна, докажува и објавата на нејзиниот брат Константин Игнатов на Инстаграм од почетокот на 2018 година. Таа објава навестуваше дека Игнатова се криела во вила во Дубаи.

ФБИ подоцна пронашол документ во неговиот лаптоп дека таа го потпишала во исто време кога била фотографирана, неколку недели откако исчезнала. Меѓутоа, заштитата во Дубаи беше само привремена.

Во 2015 година, се шпекулираше дека Игнатова склучила договор со влијателен благородник од Емирати, за 230.000 биткоини во замена за сопственост на една од неговите компании. Иако претставниците на шеикот го оспоруваат ова, се чини дека нивниот однос подоцна се нарушил.

Постои можност властите во Дубаи да ја уапсиле и затвориле во моментот кога го виделе налогот за апсење на нејзиниот брат во 2019 година, а потоа размислувале дали е во нивен интерес да ја екстрадираат.

Животот на јахта на отворено море

„Тоа остава последна и неверојатна можност - дека Игнатова го напуштила копното и живее на море на приватна јахта. Ако останете на 12 наутички милји од брегот, вие сте на отворено море. Ниту една земја нема јурисдикција над вас и нема полицијата има законско овластување да ве уапси. На почетокот на 2021 година, се појави анонимен извор кој тврди дека некој што го познава ја забележал Игнатова на брод во Средоземното Море“, рече Бартлет.

Приватните истражители истражувале и добиле информации дека таа била во ресторани во Атина, како и во Сент Тропе, Франција. Им кажале дека таа била закотвена со голема јахта и повремено излегувала на брегот со глисер.

"Нејзината јахта сè уште беше закотвена во Созопол на Црното Море, а доколку живееше на друга јахта ќе и требаа околу 96.000 долари неделно. Тоа би значело дека е побогата отколку што некој мислеше", вели Бартлет.

Тој побара од истражувачкиот новинар Роб Бирн да му помогне да ја истражи теоријата дека Игнатова се криела на отворено море на јахта.

Роб Бирн објави слики од Игнатова на приватни групи на Фејсбук кои ги угостуваат екипажите на јахти, прашувајќи дали некој може да ја знае, додавајќи дека деновиве можеби изгледа поинаку.

Еден ден доби одговор од ведро небо.

"Здраво Роб. Таа моментално е на јахтата на која работам. Зошто ја бараш?", беше одговорот.

„Еј, дали си 100 проценти сигурен?“ праша Роб.

„Да, таа е тука, во моментов. Таа зборува за криптовалути по цел ден. Таа користи три компјутери во нејзината соба, но никогаш во дневната соба“, изјави тој. Кога новинарот го прашал каде се, мажот одговорил дека се закотвени во Грција, но не можел да потврди каде точно се и каде одат, нагласувајќи дека не сака да ја доведе жената во неволја.

Како што се истакнува во текстот, оваа идеја за живот на отворено море засега е најверојатна. Исто така, постои можност Игнатова да биде заробена некаде и во замена за нејзината безбедност, таа е принудена да го искористи своето знаење за криптовалутите за да им помогне на криминалците да ги преместат своите пари.

„Меѓутоа, таа повремено и внимателно се враќа на копното, се среќава со блиското семејство и пријателите на вечера каде се потсетува на својот луд живот. Ризично е - но истото е и сè што направила досега. И никој не би фрлил поглед на богата жена, која е добро облечена и се враќа на глисерот и си оди. Таа може да биде која било“, вели Бартлет.