ЧУДО: Момче од Русија оживеа откако срцето не му чукало половина час

Момчето било мртво половина час, му го масирале срцето триесет минути, а потоа се случило чудо што ја крена Русија на нозе

Дванаесетгодишниот ученик Јарослав Јеригин минатата година речиси починал - срцето не му чукало скоро половина час, но лекарите успеале да го вратат детето од смртта.

Денес, Јарослав не се разликува од неговите врсници, игра безгрижно со својата помлада сестра, но пред десет месеци не можел да зборува или да држи нешто потешко од вилушка. Рехабилитацијата на детето сè уште трае.

Инцидентот се случил во октомври минатата година. Според мајката на Јарослав, Екатерина Прокопенко, нивното семејство го дели животот на „пред“ и „после“ тој ден. Вечерта момчето легнало, а по некое време родителите слушнале чудни звуци од собата, а кога влегле, го нашле своето дете веќе поплавено. Жената веднаш повикала брза помош, го повикала и нејзиниот брат, кој веднаш започнал да му прави масажа на срцето на момчето. Мајката на момчето не се надевала дека брзата помош ќе може да помогне - туку дека таа само ќе ја соопшти смртта и ќе си замине. Сепак, лекарите од тимот за брза помош одбиле да се предадат и штом пристигнале, тие го замениле чичкото на Јарослав и се обиделе да го поместат срцето на момчето половина час.
- Пулсот се појавуваше и исчезнуваше. Ме избркаа од собата затоа што бев во паника, но веројатно цел живот ќе го паметам лицето на тој лекар - како тој се бореше за животот на моето дете - до замор, до исцрпеност - вели мајката на детето.

По стабилизацијата, Јарослав бил пренесен во болница и дури таму бил надвор од животна опасност.

- Првата голема промена, кога добивме трошка надеж, беше на почетокот на јануари кога го изговори првиот збор „мамо“. Тоа беше зрак светлина што го осветлуваше царството на темнината во која се наоѓавме - вели Екатерина.

Во моментот, Јарослав речиси се опорави: оди, трча, комуницира со пријателите, се обидува да ги надополни сите пропуштени домашни задачи. Светлана Валијулина, раководител на одделот за рехабилитација на Институтот за итна детска хирургија и трауматологија, смета дека момчето целосно ќе се опорави.

Докторот за брза помош што го спаси момчето, Петар Давидов, е сигурен дека тоа што се случи може да се нарече чудо и дека овој случај може да се нарече уникатен во медицинската пракса.

Извор: telegraf.rs

Можеби ќе ве интересира:

На брегот пронајдоа огромен скелет на мистериозно суштество: Научниците не знаат што е