Дали човекот навистина го создаде коронавирусот во лабараторија?

Веќе со денови се шират вести за знаењето на тајните служби за коронавирусот. Дали е ова друга теорија на заговор? Што навистина стои во документите на тајната служба?

Во извештајот на Алијансата на тајните служби на пет големи земји што зборуваат англиски јазик (САД, Велика Британија, Канада, Австралија и Нов Зеланд, наречен „Пет очи“) се пишува за непознат вирус на лилјаци од Кина, кој бил истражен во Вухан, Кина. Извештајот на тајната служба е доставен до австралискиот весник „Дејли телеграф“, во кој се забележува голем пораст на написите за „вирусот создаден од човекот во лабораторија во Вухан.“ Покрај тоа, за светот се вели дека изгубиле драгоцено време во борбата против вирусот затоа штоКина крие информации... Ваквите обвинувања не ги направи само американскиот претседател Доналд Трамп, туку и некои германски таблоиди. Дали е ова навистина џиновски скандал?

Нови гласови од САД

Како прво, најважното нешто: коронавирусот не беше создаден вештачки од човекот, ниту пак беше систематски пуштен во светот. За глупости од ваков вид, за кои теоретичарите на заговор ширум светот поттикнуваат слични неодржливи тврдења, како и за потеклото на ХИВ во 1980-тите, нема докази во извештајот на тајната служба. Напротив, американскиот директор на тајните служби, на кои му се подредени сите 17 американски тајни служби, издаде соопштение за јавноста во кое објаснува дека, како и повеќето научници, американските тајни служби немаат причина да веруваат дека Ковид-19 е создаден од човек или генетски изменет. Во исто време, американските тајни служби сè уште истражуваат дали вирусот се раширил кај луѓето од животни или излегол од лабораторија во Вухан во несреќа.

Со оваа изјава, издадена минатиот четврток од страна на Ричард Гренел, поранешниот американски амбасадор во Берлин познат по не особено дипломатските изјави кој е нов координатор на тајните служби во Белата куќа, американските тајни служби направија сензационален исклучок од правилото да не ги коментираат тековните настани.

Ова не е таен проект

Само неколку дена по оваа официјална објава, беше објавен напис во австралискиот Saturday Telegraph. Дури и таму во извештајот, кој очигледно потекнува од австралиската тајна служба АСИС, нема докази дека пандемијата на коронавирус е предизвикана од човек.

Несомнено највозбудливиот аспект на извештајот на австралиската тајна служба, кој досега беше занемарен, е неговата информација за истражување на коронавирус. Имено, скоро 15 години, пишува „ Saturday Telegraph “, кинески тим виролози предводен од Др. Ши Женгли, директор на Центарот за заразни болести на Институтот за вирологија во Вухан, истражува коронавируси кои се јавуваат кај лилјаци. Постојат над 5.000 видови на такви вируси, од кои др. Ши истражувал најмалку 50. Но, тоа не било кинески таен проект. Тимот научници соработувал, на пример, со лабораторијата за здравствени животни на животната средина на Комонвелтот, научна и индустриска организација за истражување, CSIRO во Австралија. Д-р Ши и неговиот соработник Пенг поминаа неколку години таму. Нивниот партнер во истражувањето беше Универзитетот во Северна Каролина во САД.

Целта на студијата беше да се изолираат вирусите што се појавуваат кај лилјаците и да се види дали тие можат да се шират кај луѓето. Во ноември 2015 година, четири години пред избувнувањето на тековната пандемија, студија на д-р Ши со Универзитетот во Северна Каролина заклучи дека вирусите слични на САРС може да се пренесат од лилјаци на луѓето и дека нема лек. Во 2019 година, следната нивна студија дојде до овој заклучок: „Голема е веројатноста идните инфекции со коронавируси како САРС или МЕРС да потекнуваат од лилјаци и дека многу е веројатно дека тоа ќе се случи во Кина“.

Против шпекулациите

Научниците исто така експлицитно го споменаа високиот ризик од нивните истражувања во случај да дојде до несреќа и вируситеда избегаат од лабораторијата. Еден од ризиците се безбедносните стандарди во лабораториите. Извештаите се појавија од американските дипломати во Кина во декември 2019 година, зборувајќи за - досега непотврдени - безбедносни недостатоци во лабораторијата во Вухан.

Извештајот на австралиската тајна служба експлицитно се спротивставува на неоснованите шпекулации и обвинувања. Затоа, ставот на австралиската влада е дека вирусот потекнува од пазар во Вухан со 95% сигурност. Но, останува мал, 5 процентен ризик дека вирусот би можел да ја напушти лабораторијата во несреќен случај, значи без човечка намера. Со тој заклучок, кој исто така го поддржува објавувањето на американските тајни служби, Австралијците заземаат сосема спротивна позиција од владата на Трамп. Американскиот државен секретар (и поранешен шеф на ЦИА) Мајк Помпео во неделата зборуваше за „вонредни докази дека вирусот потекнува од лабораторија во Вухан“.

Сокривање на информации во Кина

Чувствителен дел од извештајот на австралиската тајна служба е нешто друго: австралиската тајна служба АСИС јасно опишува во документ од 15 страници како Кина ги криела информациите и ги уништила потребните примероци за појава на епидемија на коронавирус во декември. Случајот со Хуанг Јан Линг, соработник во лабораторијата за наука во Вухан, е особено тежок. Според извештаите во кинеските медиуми, таа била првата личност која била заразена со коронавирус. По кратко време таа исчезна, целосната биографија што беше на Интернет беше избришана и до ден-денес нема ни трага од тој научник.

Исто така во јануари, голем број лекари во Вухан, кои зборуваа за појава на нова вирусна инфекција, беа уапсени за „ширење гласини“. Покрај тоа, кинеската влада ги отстрани термините „варијација САРС“, „пазарот на морска храна Вухан“ и „непозната пневмонија на Вухан“ од интернет-пребарувачите. Најтешка е сепак тоа што  Кина веќе знаела во декември дека вирусот може да се пренесе од личност до личност, но првично го негираше тоа и само ја извести Светската здравствена организација (СЗО) на 20 јануари 2020 година. Но, со оглед на јавно достапните и добро познати резултати од истражувањето на д-р Ши , што тајните служби го известуваат за детали, веќе не беше изненадување.

Негирање, апсења и цензура се типични реакции на диктаторските режими во неочекувани кризи. Инфекциите, природните непогоди или несреќите претставуваат голема опасност за веќе постојано загрозениот монопол на моќта во диктатурите. И кризите од ваков вид откриваат долгогодишна лоша состојба. Комунистичката партија, било да е тоа Советскиот Сојуз по катастрофата во Чернобил во 1986 година или онаа во Кина во 2020 година, не сака да го ризикува. И тоа имало катастрофални последици по животот на луѓето во минатото и денес.

И покрај анализата на ризик, слаби мерки на заштита

Извештаите од тајните служби во Австралија и Соединетите држави исто така покажуваат дека обидите да се пренесе одговорност за обемот на пандемијата само на Кина се неточни. Факт е дека научните сознанија за коронавируси и опасностите што ги предизвикуваат се јавно достапни со години. Вежби во случај на катастрофи со слични сценарија беа спроведени и пред неколку години.

Извор: Deutsche Welle