Дали знаевте дека осата може да открие експлозив или дрога? Факти за ОСИТЕ кои го менуваат негативното мислење за нив
Осите, за разлика од пчелите, не се ни приближно ценети, но научниците тврдат дека овие неправедно запоставени инсекти се важен дел од нашиот екосистем, без кои светот би изгледал сосема поинаку.
Пред да започнете да го славите ова сценарио, Би-Би-Си ви пренесува помалку познати, чудесни факти за овие инсекти без кои би настанале големи нарушувања во екосистемот.
Важноста на предаторите
Секоја оса има своја улога која мора да ја исполни, без разлика дали е кралица, чистачка, чувар или дадилка. Освен тоа, тие се многу попаметни отколку што луѓето сакаат да признаат, пишува Н1.
Научниците сугерираат дека некои од осите можат да се препознаат и врз основа на тоа да одредат каде се наоѓаат на хиерархиската скала, како и дали другата оса е пријателска. Исто така, еден од малку познатите податоци поврзани со овие инсекти е дека осите можат да се обучуваат да пронајдат експлозиви или дрога.
Осите се многу важен предатор, а загубата на секој предатор има силно негативно влијание врз екосистемот. Причината е што осите го штитат растителниот свет, посевите и другите суштества од пајаци, стоногалки, муви до гасеници и други инсекти.
Овие летечки предатори само во Велика Британија годишно фаќаат околу 14 килограми други инсекти, со кои ги хранат своите младенчиња. Како резултат на тоа, многу растенија без оси ќе останат незаштитени, а нашите домови ќе бидат полни со инсекти.
Ним им се заканува пчелно сценарио
Истражувачите забележуваат дека во последните 30 години е забележан драстичен пад на популацијата на пчелите поради употребата на пестициди, земјоделските работи и климатските промени.
Слично сценарио ги загрозува осите, но јавноста не ги доживува во толку романтично светло како, на пример, пчелите, па според експертите не се зборува доволно за овој проблем. Истражувањата покажаа дека пчелите ги поврзуваат луѓето со многу попозитивни искуства и слики - како мед, цвеќиња и полен, додека осите од друга страна ги поврзуваат со убоди, болка и агресија.
Според експертите, тоа е целосно неправедно, бидејќи осите во природата извршуваат речиси идентични задачи како пчелите, а исто така се меѓу клучните опрашувачи.
Факт е дека доколку не постоеја осите, ќе изгубиме повеќе од 100 различни видови орхидеи и смокви. Можеби не звучи како голема катастрофа, но секој вид смокви се потпира на свој тип на оса за да ја опрашува. Во овој поглед, научниците наведуваат дека повеќе од 1.000 видови тропски птици и цицачи зависат од смоквите.
Постојат илјадници видови оси кои главно си ја вршат работата во природа без вие да ги забележите. Само еден процент од осите ќе стигнат до вашата маса. Секако, најодбивна карактеристика на осата е нејзиниот убод, кој е многу болен. Но и оваа карактеристика има свои предности, убодот од оса содржи еден вид токсин за кој лабораториските тестови покажале дека има антиканцерогени својства.
Заклучокот е дека осите сè уште се корисни инсекти. А експертите советуваат да не ги допирате бидејќи без нив би имале повеќе инфекции и болести, помалку биодиверзитет, а целиот глобален пазар на храна би бил понеизвесен.
