Ден пред изборот за најубава жена, се замонаши: По неа воздивнуваа познати момци, а таа го посвети својот живот на верата и црквата
Камила Кардосо своевремено доминираше на модните писти оставајќи ги луѓето без здив со својата убавина, а ден пред големиот триумф, реши да остави се и да му се посвети на Христос.
Родена во Патос де Минас, сестрата Ева (21) стана вирална на социјалните мрежи откако беше снимена како продава верски предмети во Гојанија (држава Гојаш, Бразил). Пред да стане калуѓерка, Камила Кардосо - вистинското име на сестра Ева - учествувала на натпревари за убавина и работела како модел. На 18-годишна возраст решила сето тоа да го остави зад себе за духовен повик.
Таа во моментов е член на конгрегацијата Sancta Dei Genitrix, која не е поврзана со Римокатоличката црква. Со институцијата раководи православниот свештеник Хозе Рибамар Р. Диас, познат по своето присуство на социјалните мрежи, каде има повеќе од 287 илјади следбеници.
Во видеото кое стана вирално на социјалните мрежи, сестра Ева е прикажана како носи религиозна облека додека нуди верски предмети на улица во Гојанија. Она што најмногу го привлече вниманието на корисниците на социјалните мрежи е нејзината убавина, која веднаш предизвика споредби и големо внимание на интернет. Таа и другите калуѓерки од собранието се активно присутни на социјалните мрежи, каде споделуваат информации за нивната социјална работа и религиозно секојдневие.
И покрај големото внимание на јавноста, сестрата Ева од Минас Жераис останува дискретна за својот приватен живот и останува посветена на својата религиозна мисија.
Камила, која има 21 година, порано беше манекенка и носител на титулата убавица - беше Мис Континентен тинејџер Сол Насенте, но ден пред националниот натпревар се откажа за да се посвети на црквата и мисијата. Таа се посвети на животот во вера и служба на 18-годишна возраст.
Облечена во религиозна облека и со шамија на главата, сестра Ева работи секој ден во барови, продавници и пазари, собирајќи средства за социјалните проекти на споменатата заедница, чие седиште е во Чакара да Грута, во населбата Сол Насенте, недалеку од Бразилија.
