Доктор на ескорт дама ѝ платил секс, ѝ дал јагоди и тоа е последното што го памти: Се разбудила врзана за кревет со игла во вена-потоа се случило чудо

Жена која била киднапирана, дрогирана и затворена во бункер шест дена од маж наречен „Шведскиот Јозеф Фрицл“ се плашела дека никогаш повеќе нема да ја види светлината на денот.

Изабел Ериксон, псевдоним што се користи за заштита на нејзиниот вистински идентитет, беше цел и речиси жртва на д-р Мартин Тренеборг, кој во септември 2015 година ѝ дал јагоди прелиени со флунитразепам, супстанца позната како лек за силување.

Потоа ја возел 560 километри од нејзиниот стан во Стокхолм до оддалечена фарма во јужна Шведска, каде планирал да ја држи како заложник за интимни односи.

„Врата од бункер како банкарски сеф“

На суд во 2016 година, Изабел призна дека д-р Тренеборг ѝ рекол дека вратата е направена како „банкарски сеф“ и дека „никогаш нема да може да ја отвори“.

„Потоа ме праша дали имам некакви желби, дали треба да го прошири бункерот, затоа што ќе живеам тука многу години“, се сеќава таа.

Изабел, која во тоа време работеше како ескорт дама, отворено зборуваше за своето застрашувачко искуство во нов документарен филм.

Мартин Тренеборг, лекар со прекар „Шведскиот Фрицл“, беше осуден на осум години затвор за киднапирање и лишување од слобода во куќа во близина на Кристијанштад во јужна Шведска.

Во мини-серијата „Бункер“, која е достапна на стриминг платформата „Виаплеј“, Изабел се присетува како ненадејно се разбудила во звучно изолирана ќелија со канила во раката.

„Бев целосно во паника. Се чувствував немоќно“, рекла поранешната ескорт дама и додала дека нема поим дали е во подземна просторија или над земја.

„Тој сакаше секс без заштита, но не за да забременам“

Тренеборг, кој работел како лекар, наводно сам го изградил бункерот од 60 квадратни метри.

„Ми призна дека сака да има незаштитен секс со мене. Ми даде неколку таблети, контрацептивни таблети, велејќи дека не сака да забременам", додала Изабел.

Сам ја однесол во полиција

Тренеборг, кој сега има 47 години, на крајот бил уапсен откако во паника поради вестите за нејзиното исчезнување, тој ја одвел Изабел назад во Стокхолм, каде заедно отишле во полициската станица.

Тој ѝ рекол да ѝ каже на полицијата лажна приказна, дека е безбедна и надвор од животна опасност, но детективите се посомневале и на испрашување насамо, Изабел открила се за трауматичното искуство.

После тоа напишала книга за своето искуство наречена „Ти си мој“, каде открила какви биле првите моменти на свесност за киднапирањето и заробеништвото.

„Се сеќавам како ме хранеше со јагоди. Се сеќавам на тоа. Многу е тешко да се зборува за тоа. Но, после тоа заспав, се беше целосно црно. Видов лимен покрив и човек кој седеше на стол до мене само гледаше во јас и видов дека имам игла во раката, која брзо ја извадив.

Потоа ми кажа дека ме киднапирал и дека овде ќе бидам затворена неколку години. Се обидов да го нападнам за да избегам, но сепак бев со седативи, па не можев. Тој рече дека ако се обидам повторно, ќе ме врзе со синџири за креветот и ќе ме храни само со сув леб“, се сеќава таа.

Бункерот, понатаму откри таа, имал мал покриен простор за да може заробениот да излезе надвор без да го видат соседите.

Во него полицијата пронашла траги од флунитразепам на шишиња со сок и шампањ.

Отворила OnlyFans за да „лечи траума“

На крајот на краиштата, Изабела отворила профил на OnlyFans за да се справи со траумата и нејзините следбеници да можат да ги видат голите фотографии на поранешната ескорт дама, кои таа самата ги опиша како „уметнички“ и „елегантни“, за 12 фунти месечно.

„Отсекогаш сум била многу креативна, а позирањето е мојот начин да се справам со траумата и стресот низ кој поминав“, рекла таа, а пренесува Дејли мејл.

Foto: Skavlan / youtube