Едноставно глуп! Наместо да ужива во богатство стана бездомник: На лотарија освои 11 милиони евра, на ќерките не им даде ниту цент, работи во рудник за 150 евра неделно

Британецот Мајкл Керол во 2002 година на лотарија освои речиси 10 милиони фунти или повеќе од 11 милиони евра, а добивката целосно му го промени животот. Тоа богатство требало да му трае цел живот, но наместо тоа, тој го потрошил сето тоа и банкротирал за само неколку години. Сега тој призна дека неговите пет ќерки не добиле ниту евро од големата сума што ја добил.

Имал само 19 години кога ја добил својата голема победа, а Мајкл немал ни банкарска сметка. Работел како ѓубреџија. Кога конечно ги добил парите, станал мета и на луѓе кои сакале дел од неговите пари и биле спремни да употребат насилство за да ги добијат.

Во 2006 година, тој за Индипендент изјави дека еден ден се разбудил дома и открил дека му биле убиени петте кучиња и дека уценувачи му се заканувале на неговото семејство, додека во друга прилика во неговата куќа пристигнале мажи со пиштоли.

Една од првите работи што Мајкл ги направил со своите 9,7 милиони фунти било да им даде по 1 милион фунти на својата мајка, тетка и сестра. Тој купил акции во вредност од 3,9 милиони фунти, а инвестирал и еден милион фунти во Ренџерс, неговиот омилен фудбалски клуб, и вели дека купил „150.000 фунти во злато“.

Тој, исто така, купил замок од 325.000 фунти и многу нови автомобили, вклучувајќи нов Range Rover, два BMW M3, BMW Z4 и три Mitsubishi Evos. Тој исто така откри дека трошел 2.000 фунти дневно само на кокаин, и трошел околу 1.000 фунти дневно на проститутки. До 2010 година ги потрошил сите пари и морал да најде работа.

Наместо да ужива во остатокот од животот, Мајкл завршил како бездомник на улица. Никој не сакал да го вработи, па ја менувал работата како чорапи. Работел во фабрика за бисквити, па во кланица, дури и како рудар и каменолом.

Откако банкротирал, Мајкл нашол нова работа во Шкотска како рудар за јаглен и наводно повторно се сретнал со поранешната сопруга Сандра. Пред тоа извесно време работел како дрвосечач.

„Забавата сега заврши и морам да признаам дека ми е драго. Многу е полесно да се живее со 130 фунти неделно отколку со милиони“, изјави еднаш тој. Денес, кога изгубил се‘, вели дека е посреќен, но би го направил тоа повторно бидејќи неговите денови кога бил милионер биле навистина одлични.

Фото: Youtube - printscreen