Европскиот Алкатраз: Затвор на Медитеранот од кој никој никогаш не успеал да побегне (ВИДЕО)

Богатите криминалци можеле да ги поткупат чуварите за да им дадат сопствена ќелија, раскошни оброци и други погодности. Сиромашните, пак, умирале од глад и болести во занданите без дневна светлина.

Chateau d'If е поранешен француски остров-затвор, кој многумина сè уште го нарекуваат европски Алкатраз. Станува збор за минијатурен остров кој се простира на 0,03 квадратни километри во залив кој е оддалечен 3,5 километри од старото пристаниште во Марсеј, а на кој доминира тврдина на три ката.

Chateau d'If бил изграден на почетокот на 16 век од францускиот крал Франциско I за да го заштити брегот од инвазија, но и да ја скрие новата флота од галии од љубопитните очи. Поради цврстината на самиот остров, но и безмилосните морски струи околу него, If се покажал како идеално место за затвор, пренесува punkufer.dnevnik.hr.

Од 1580 до 1871 година, некои од најопасните криминалци во тоа време овде ја отслужувале својата казна, како и верски и политички затвореници кои се спротивставувале на актуелната власт. Богатите криминалци можеле да ги поткупат чуварите за да им дадат сопствена ќелија, раскошни оброци и други погодности. Сиромашните, пак, умирале од глад и болести во занданите без дневна светлина.

Но, Chateau d'If стана глобално популарен дури откако Александар Думас го спомна во неговиот познат роман Грофот Монте Кристо од 1844 година. Иако протагонистот Едмонт Дантес успешно бега од овој затвор по 14 години затвор, во реалноста не е забележан ниту еден успешен случај на бегство од Chateau d'If.

Големата популарност на романот придонесе за распуштање на затворот и отворање на островот за јавноста во 1890 година. Оттогаш, стана главна туристичка атракција што ја посетуваат гости од целиот свет. Од Марсеј можете да купите билет за брод кој оди директно до If.