Фрлете еден поглед во најголемиот приватен авион на светот

Gulfstream го лансира својот нов приватен авион, G700, кој нуди значително повеќе простор во својата кабина…

Иако на хартија, тие дополнителни десет метри простор во споредба со неговиот претходник, G650, изгледаат како вистинска ситница, во реалноста, работите се многу различни. Авионот ја доби својата нова спална соба, која доаѓа со купатило и како крајна погодност на приватниот авион. Во овој модел, кој важи за најголем приватен авион во светот, спалната соба е создaдена како скривалиште, кое нуди прекрасен кревет што се активира со притискање на копче, кој исто така автоматски го контролира осветлувањето и засенчување на прозорците. Во нежно осветлената спална соба, патниците на овој авион можат да уживаат подеднакво во нежна музика, поради што амбиентот ќе ги потсети повеќе на луксузен хотелски пакет отколку на приватен авион.

Прекрасната кабина на овој нов авион крие мали, паметни детали, како и посветеност на биогоривата, кои ги користат моторите на новата генерација Rolls-Royce Pearl 700. Чувствителноста на ентериерот на овој авион е видлива од сите страни, со прекрасни форми кои се пријатни за око, како и фузија на природна светлина која нуди нешто сосема ново и посебно.

Авионот е поделен во пет зони, кои се обоени во костен боја, со детали од црна абонијаца, додека овалот и прозорците даваат можност да се ужива во прекрасен поглед. Предниот дел на авионот има кујна од мермер од Казабланка.

Има мијалник од не'рѓосувачки челик, заедно со изобилство на складишни единици, конвенционална печка и микробранова печка. Ова исто така многу лесно може да биде првиот приватен авион во кој сопствениците можат да ги донесат своите приватни готвачи, кои на самото место ќе ги подготват нивните омилени јадења.

Зоната со шест седишта лесно се претвора во област за јадење, додека G700 има уште неколку асови во ракавот. Во инкрустираното дрво што создава трпезариска маса, има автоматски полнач за мобилниот телефон, додека бројни слични технолошки детали може да се најдат во остатокот од ентериерот.

Во зоната за забава, има 43-инчен екран кој вообичаено е спакуван во шкаф, додека светлото и прозорците автоматски се исклучуваат кога се активира. Звучниците се отсутни од овој дизајн, додека опкружувачкиот звук е проектиран од трансдуцери скриени зад ѕидните панели.

Со цена од 75 милиони долари, ќе ви понуди сè што некогаш сте посакале, но и многу повеќе од тоа, додека уживате во единствено место за криење на небото.