Го викаат балканскиот Бермудски тријаголник: И тоа место е кај нас

Оваа област е позната како една од најбезбедните терени во Европа, но... 

Има ли некаков Бермудски триаголник над Крушево Ова е прашање кое половина во шега, половина во реалноста, го поставуваат жителите на овој наш град. За нив, но и за луѓето кои се занимаваат со летање, се уште е мистерија зошто четворица искусни странски параглајдеристи, кои учествуваа во 2017 година на меѓународно првенство во параглајдери во Крушево, загинаа за само еден месец, а исто толку летачи беа тешко повредени.

Организаторите на натпреварот посочија дека сите учесници на првенството се искусни параглајдеристи, кои зад себе имаат лиценци, пилотски дозволи и огромен број летови. 

Се сметаше дека за несреќите се виновни грешките на самите пилоти бидејќи во критичните моменти не го користеле резервниот падобран. 

Тогаш почина Швајцарец со 12 годишно искуство. Чехот, кој загинал пред тоа, летал рекреативно. Загина и параглајдерист од Словачка, а загина од Унгарија. Никој од загинатите не го користел резервниот падобран. Првиот што летал со змеј, летал многу ниско и ги запнал жиците од далноводот. Немал време, но последните двајца имале доволно време да ги активираат падобраните.

Поради честите несреќи и смртни случаи, организаторите постојано апелираат до параглајдеристите да бидат повнимателни, да внимаваат повеќе на безбедноста на летовите и да не влегуваат во опасните области меѓу планините и долините.

Иако Крушево е познато како еден од најбезбедните терени за параглајдерство во Европа, годинава тоа беше кобно за четворица искусни летачи.

Ова не беа единствените несреќи на параглајдеристи од странство. Во јуни 2015 година во близина на селото Врбоец животот го загуби параглајдеристот од Израел Рон Ашуан (55). Истата година, но во август, инструктор по летање, параглајдерист од Финска, паднал во дабова шума, но за среќа избегал само со гребнатини.