Градба што би можела да создаде „раздор“: Зошто е Аја Софија толку важна?

фото: Tanjug/AP

Првично била изградена како православна патријархална базилика, но нејзината функција се менувала неколку пати низ вековите

За Аја Софија, градба што е симбол на турскиот град Истанбул, судот ќе донесе одлука на 2 јули. Ќе се одлучи дали ќе биде оспорен сегашниот статус на оваа градба, односно законитоста на претворање на Аја Софија во музеј.

И додека доаѓаат предупредувања од различни страни, Турција не се откажува, а вселенскиот патријарх Ватроломеј дури предупреди дека враќањето на Аја Софија во џамија ќе предизвика раздор.

Аја Софија е огромно архитектонско чудо изградено како христијанска базилика пред 1.500 години. Слично на Ајфеловата кула во Париз, Аја Софија е симбол на космополитскиот град. Сепак, онолку колку што е забележлива самата структура, толку е и нејзината улога во историјата на Истанбул, но и во светот, но исто така е важна и се однесува на прашања поврзани со меѓународната политика, религијата, уметност и архитектура.

Аја Софија е сидро во Стариот град Истанбул и служи како обележје за православните христијани и муслиманите со векови.

Како се создаде „Света Софија“:

Првично била изградена како православна патријархална базилика, но нејзината функција се менувала неколку пати низ вековите.

Од времето кога градбата била завршена во 537 до 1453 година, таа служела и како православна катедрала и седиште на Вселенскиот патријарх, освен во периодот од 1204 до 1261 година, кога за време на Латинската империја била претворена во католичка црква.

По падот на Цариград во 1453 година, султанот Мехмед Освојувачот наредил црквата да се претвори во џамија. Ѕвоната, олтарот и иконите се покриле со гипс. Така, Аја Софија имала статус на џамија од 29 мај 1453 година до 1931 година.

Во 1935 година, Кемал Ататурк донел одлука да ја претвори Аја Софија во музеј, и од тогаш е на списокот на УНЕСКО и е еден од најважните споменици на светското културно наследство.

Сепак, повеќе ќе се знае за судбината на оваа градба наскоро.