Хаос во авион: Стјуардеса удира патник со тенџере по глава, тој сака да ја отвори вратата од авионот (ВИДЕО)

Параноичниот маж повторувал дека е во опасност и на крајот се обидел да ја отвори вратата од авионот

Авионот на компанијата „Американ ерлајнс“ минатиот викенд бил пренасочен на меѓународниот аеродром Канзас Сити во Мисури поради еден патник кој правел проблеми, пишува Ројтерс.

50-годишен маж на летот од Лос Анџелес до Вашингтон беше обвинет за напад и заплашување на стјуардеса, како и за попречување на екипажот на авионот во нивната работа. 

Патникот се обратил на екипажот, велејќи дека „луѓето се обидуваат да го повредат и дека го следеле кога се качил во авионот“. Тој исто така рекол дека телефонски слушнал како неговото семејство го повредуваат, а на прашањето како изгледаат, покажал кон лицето до него и рекол дека има нож. 

Стјуардесата му го одзела телефонот на човекот и открила дека се обидел да повика полиција, но повикот не бил успешен. Неколку минути откако седнал, побарал од екипажот чаша вода, а потоа дошол во пилотската кабина и „му рекол на екипажот да не лета и дека екипажот на авионот го лаже“. На крајот се обидел да ја отвори вратата од авионот, кога стјуардесата двапати го удрила со лонец по главата.

Меѓу патниците имало и полицаец, кој помогнал да се надмине проблематичниот патник. По слетувањето на авионот, полицијата и ФБИ го уапсиле мажот, пишува агенцијата.

ВИДЕО: