Хирург по грешка го отстранил пенисот на пациент во позната италијанска болница

Хирург во Италија е под истрага од страна на здравствените власти во земјата на подолг временски период, откако по грешка го отстранил пенисот на еден маж...

Уролог му го отстранил пенисот на несреќен маж откако по грешка му дијагностицирал канцероген тумор. Неименуваниот пациент останал без својот алат, кој хируршки бил отстранет во болницата „Сан Донато“ на 13 ноември 2018 година, додека овој лекар вчера официјално се појавил на суд за прв пат.

Оваа процедура со која е отстранет пенисот на мажот се случила по погрешна дијагноза на уролог, додека денеска се знае дека пациентот бил во средината на шеесеттите, еден месец пред да се изврши ампутацијата. И покрај погрешната дијагноза, процедурата за ампутација поминала целосно без проблеми, па барем не згрешиле во оваа болница.

Оваа брутална грешка лекарите ја забележале при постоперативната анализа, сфаќајќи дека го осакатиле несреќниот човек. Откриле дека туморот воопшто не е присутен и дека хирургот го отстранил потполно здравиот пенис на мажот.

Згрозениот пациент оттогаш бара отштета по оваа огромна лекарска грешка, додека според ABC, лекарот одговорен за овој неверојатен случај за отстранување на пенисот сега конечно е на суд за да одговара за целиот хаос што го предизвикал.

Адвокатите на повредениот маж, кој сега има 69 години, тврдат дека целата несреќа била предизвикана од серија грешки направени во прелиминарните фази на тестирањето, што довело до погрешно дијагностицирање на туморот, а до моментот кога медицинските експерти ги идентификувале овие неуспеси на тестирањето, тоа било исто така доцна.