Хрватскиот имунолог: Коронавирусот е само хистерија

Познатиот хрватски имунолог д-р Среќко Сладољев, поранешен вработен во Институтот за имунологија и истакнат противник на вакцинација, даде интервју за порталот Дневни.хр во кое коментираше за состојбата во врска со коронавирусот. 

Сето ова тој ја нарече несериозна хистерија и голем срам за целиот свет и здравствен систем. 

- Нема ништо ново во коронавирусот што човештвото порано не го доживеало. Тоа е најчестиот вирус „influenca-like“ или вирус сличен на грип, кој нè погоди повеќе од 200 пати во последните 70 години. Ова го потврдува минималниот број на пациенти кои, да не беа медиумите и сензационално надуената паника, би се вклопувале во бројот на пациенти со сезонски грип и не би го ни забележувале - рече имунологот. 

 Тој изјави дека не се плаши од инфекција туку од несаканите ефекти на коронавирусот

. - Се плашам од полицискиот час, затворањето на границата, недостигот на храна во продавниците, блокадите на училиштата и градинките, а самиот коронавирус, кој е крајно заразен, воопшто не е опасен - рече Сладољев. 

Изјави дека е нелогично што постои тест за коронавирус, дека дијагнозата прво била измислена, а потоа именувана по вирусот. Да не беше за дијагностикта, ќе се работеше за атипичен грип, убеден е Среќко. 

Како голем противник на вакцинацијата, тој смета дека вакцината нема да има ефект. Да додадеме и дека тој претходно изјави дека лекот за коронавирус е интерферон, за кој во моментов нема докази. 

Хрватската медицинска комора предупредува дека неговата релативизација на „Ковид-19“ е закана за јавното здравство.