Им беше трн во око: Русите сакаа безмилосно да го ликвидираат ТИТО поради еден збор - планот на КГБ
Советски агенти планираа да го убијат поранешниот југословенски претседател Јосип Броз Тито во 1950-тите, а опасната бактерија, или отровна кутија за накит, требаше да се користи како смртоносно оружје, тврдеше поранешниот висок советник на тогашниот руски претседател Борис Елцин.
Обидот за атентат врз Јосип Броз, никогаш не се случи, но разузнавачката служба која му претходеше на Комитетот за државна безбедност на СССР (КГБ) изработи план за атентат, па дури и избра атентатор, советски шпион кој стана амбасадор на Костарика во Југославија, еднаш напиша Дмитриј Волкогонов во весникот „Известија“.
Шпионот кој доби задача да го убие Тито претходно учествувал во организацијата на бруталното убиство на Лео Троцки, заколнатиот непријател на Јосиф Висарионович Сталин, во Мексико, во 1940 година. Неговото вистинско име беше Јосиф Григулевиќ, а дејствуваше под името „Макс“, тврди Волкогонов.
По „не“ на Тито за Сталин, шефот на советската тајна полиција, Лаврентиј Берија, им нареди на агентите да го убијат. Тие се обратија до „Макс“, кој ја доби довербата од раководството на Костарика и беше амбасадор на оваа земја во Југославија и Италија.
Советското Министерство за државна безбедност (МГБ) ја разгледуваше можноста да го убие Тито со бактерија што предизвикува чума. Според тајниот документ на кој Вокогонов се повикува во написот, било планирано „Макс“ да ги ослободи бактериите во еден од салоните на Тито за прием на странски дипломати.
„Смртта на Тито или која било друга личност во собата би била неизбежна“, се вели во документот.
- Самиот „Макс“ не би знаел ништо за својствата на супстанцијата. За да го спаси својот живот, тој претходно бил вакциниран против чумата.
Други опции беа да се застрела Тито со „тивок систем скриен во објект за лична употреба“, како што е пенкало, запалка, стапче или актовка, или да се направи кутија за накит од која, кога ќе се отвори, смртоносен гас.
Извор: новисти.рс
Фото: Youtube/screenshoot/Redroom
