Имала 17 години кога сериски убиец ја киднапирл и силувал 26 часа: Оваа реченица ја спасила од најлошиот пекол и ја запечати неговата судбина

Боби Џо Лонг. Откако преживеала 26 часа силување и малтретирање, таа избегала и ја одвела полицијата директно кај него.

Во 1984 година, Лиза Меквеј решила да се самоубие. По неколку години сексуално злоставување од страна на момчето на нејзината баба, тинејџерката од Флорида планирала да се самоубие, па дури и напишала проштално писмо. Но, тогаш ја киднапирал сериски убиец. Овој застрашувачки пресврт во приказната на Лиза Меквеј ја натерал да посака да живее. Со пиштол притиснат на слепоочницата, Меквеј решила да направи се што е потребно за да излезе жива од нејзината страшна ситуација.

Она што се случило во следните 26 часа не само што и го спасило животот на Лиза Меквеј, туку и довело до егзекуција на нејзиниот киднапер.

Киднапирана на враќање од работа

Лиза Меквеј се возела со својот велосипед дома по двојната смена во барот каде што работела на 3 ноември 1984 година. Исцрпената 17-годишна девојка поминала покрај црква околу два часот наутро кога некој ја грабнал одзади и ја соборил од велосипедот. Меквеј почнала да вреска колку што може погласно - сè додека нејзиниот напаѓач не ѝ притиснал пиштол во главата и рекол: „Ќути или ќе ти го разнесам мозокот“.

Тоа не било прв пат некој да се заканува дека ќе убие тинејџерка. Меквеј, која живеела со баба и бидејќи нејзината мајка била зависничка од дрога не можела да се грижи за неа, имала три години кога момчето на баба и ја малтретирало и и се заканувало со пиштол.

Лиза, која сфатила дека повеќе не сака да умре, во страв му рекла на напаѓачот: „Ќе направам се што сакаш. Само не ме убивај“.

Киднаперот ја врзал, и ги врзал очите и ја ставил во својот автомобил. Тогаш сфатила дека мора да направи се и да внимава на секој детал околу неа за да си го спаси животот.

„Криминалните шоуа ми го спасија животот“

„Гледав многу крими шоуа. Би се изненадиле од вештините за преживување што ги имате кога сте во таа позиција“, рекла таа во една прилика.

Прво обрнала внимание на типот на автомобил во кој ја превезувал нејзиниот киднапер, потоа ги изброила минутите што поминале, сфатила дека возат на север и го броела секој чекор што ќе го направи додека киднаперот ја одвел во неговиот стан во Тампа.

Во текот на следните 26 часа, нејзиниот киднапер Боби постојано ја силувал, мачел и малтретирал. Била сигурна дека ќе умре во секој момент.

Инаку, пред да ја киднапира, Боби Џо Лонг веќе убил осум жени. Убил уште двајца откако ја пуштил Лиза да си оди. Покрај тоа, Лонг извршил повеќе од 50 силувања и ја започнал својата крвава треска во раните 80-ти, користејќи доверливи реклами за да најде жртви. Откако силувал десетици жени, Лонг почнал да ги убива во 1984 година.

Во ноември 1984 година, Лонг ја киднапирал Лиза Меквеј, не знаејќи дека си напишал смртна казна.

Додека била заробена во станот на убиецот, седумнаесетгодишната девојка со врзани очи слушнала за нејзиното исчезнување на вестите. Убедена дека Лонг ќе ја убие, Лиза решила да остави отпечатоци на што повеќе места во неговиот стан за да може полицијата еден ден да ги искористи доказите за да го фати нејзиниот убиец.

Во меѓувреме, таа измислуваше приказни со надеж дека ќе предизвика трошка сожалување и милост од Лонг, серискиот убиец и киднапер. Излажала дека татко и е болен и дека таа е негова единствена негувателка. Конечно, по повеќе од еден ден мачење, Лонг ја влечел Лиза Меквеј назад во неговиот автомобил, велејќи ѝ дека ќе ја одведе дома. Ја донел на бензинска пумпа и ја оставил таму околу 4 часот и 30 минути наутро.

Тој и рекол да почека пет минути пред да го извади превезот за да може да избега.

Лиза истрчала кај баба и, а кога стигнала, момчето на баба и почнало да ја тепа и да ја обвинува дека лаже.

Нејзината баба и рекла на полицијата дека Лиза го измислила киднапирањето. Но, за среќа, полицијата инсистирала на истрага. Лиза сакала да се увери дека полицијата го фатила Лонг, па се понудила да им помогне. Таа споделила се што се сеќава за нејзиниот напад, па дури била прашана дали би сакала да биде хипнотизирана за повторно да ги оживее спомените. Бидејќи момчето на нејзината баба одбило да и даде дозвола, Лиза решила да го пријави злоставувањето во полиција, по што тој бил уапсен.

Таа сакала да се увери дека истото ќе му се случи и на Боби Џо Лонг.

Откако накратко го почувствувала лицето на нејзиниот напаѓач и низ малиот простор под превезот, таа успешно го идентификувала Лонг меѓу фотографиите на осомничените. На крајот, приказната на Лиза Меквеј ја навела полицијата веднаш до Лонг.

Таа можела да се сети на движењата на автомобилот за време на киднапирањето и само 12 дена подоцна полицијата го фатила Боби Џо Лонг. За жал, серискиот убиец убил уште две девојки пред да биде уапсен.

Таа седела во првиот ред и ја гледала егзекуцијата

Следната година, Лонг бил прогласен за виновен за убиство од прв степен и осуден на смрт. На крајот признал дека извршил 10 убиства. Што се однесува до храбрата Лиза Меквеј, нејзиниот живот набрзо се променил на подобро.

Таа се вселила кај тетка и и вујко и работела на различни работи се додека не се запишала на Полициската академија во 2004 година. Таа подоцна се приклучила на Канцеларијата на шерифот на округот Хилсборо - истиот оддел што го уапсил нејзиниот киднапер - и почнала да се специјализира за сексуални злосторства.

Во 2019 година, државата Флорида го погубила Боби Џо Лонг. Лиза Меквеј Ноланд не само што била сведок на егзекуцијата, туку седела во првиот ред, облечена во кошула на која пишувала „Долго...доцна“, со желба да биде првата личност што ја видел пред егзекуцијата.

Пред две години според нејзината приказна е снимен филмот „Believe Me: The Abduction of Lisa McVey“.

Фото: Принтскрин/ Јутјуб
Извор: Zena.blic.rs