Истражувачи закачиле камера на волк: Ќе ве изненади тоа што камерата го снимила

фото:YouTube

МИСИЈАТА за проектот Војажери Волци (Voyageurs Wolf)  е за подобро да се разбере однесувањето на волците во Националниот парк Војажерс во Минесота. 

Прицврстувањето на камера на еден од волците од паркот создаде невидени снимки од животинска перспектива.

Камерата снимала 14 часа по 30 секунди на почетокот на секој час, што значи дека истражувачите добиле вкупно седум минути видео, но дури и овој мал примерок ги научи многу за однесувањето на волците, пренесува Mashable.

Најголемото откритие беше дека дури и осамен волк може да лови риби. Само за тие седум минути, волкот изеде три риби што ги фати на истото место во реката Аш, па истражувачите заклучија дека тој убил повеќе отколку што е документирано.

Досега е забележано само една глутница волци како ловат на истото место, но сега е јасно како тоа го прават другите волци, дури и кога се сами. Погледнете како изгледа тоа од волчја перспектива: