Ќе останете без здив: Верверица го одбрани бебето од кобра

Кога бебињата се во опасност, мајките се подготвени да ризикуваат сè за да ги заштитат. Снимките снимени од водачот на сафари во паркот „Мата Мата“ во јужноафриканската пустина Калахари, прикажуваат верверица , која го рескира животот за да спречи кобра да му се приближи на младенчето.

„Не можевме да им веруваме на очите кога сцената се одвиваше пред нас и откако првично се плашевме за верверицата, останавме воодушевени од нејзината храброст и брзина и од начинот на кој ја иритираше смртоносната змија“, изјави Дејв Пуси, кој го сними видеото.

Пуси додаде дека имал турнеи со години, но никогаш не бил сведок на слична сцена.

"Чекавме да заврши фасцинантната приказна и по околу половина час змијата се повлече во грмушка и на крајот пронајде дупка во која можеше да влезе. Мајката верверица потоа се опушти и продолжи да си ја работи својата работа. Најверојатно верверицата имаше младенчиња во близина и само сакаше кобрата да се отстрани од околината “.