Ќерката наследила 70% и нема да се откаже од тоа во корист на браќата: После сè, татко ѝ ја наградил, мајката бесна - „Срам да ви е“

Дали ќерката треба да се откаже од наследството во корист на браќата?

Не е чудно што женските деца во Македонија често се откажуваат од наследството во корист на својот брат, а овој обичај трае со векови. И често се случува некој од родителите да побара од ќерката да им го „остави“ наследството од две причини - затоа што добро се омажила или затоа што има подобро платена работа.

И токму двете причини влијаеле на една мајка да побара од нејзината ќерка да се откаже од наследството во корист на двајца браќа. Таа се обиде да најде совет на Интернет во врска со ситуацијата:

„Мојот сопруг се разболе кога постариот син заврши средно училиште, а во тоа време ќерка ми го презеде семејниот бизнис. Благодарение на неа, тој подоцна можеше да се запише на медицина. А сега, шест години подоцна, ќерка ми се‘ уште го работи бизнисот, тројно го зголемува профитот и им помага на сите. Но, проблемот настанал кога сопругот во тестаментот изјавил дека најголемиот дел од имотот ќе оди кај ќерка ни. Поточно, таа ќе добие 70 отсто од вкупното наследство, а нејзините браќа преостанатите 30 проценти. На крајот во тестаментот изјавил дека сите се обезбедени благодарение на неа“.

Жената во објавата напишала дека се согласува дека нивната ќерка ги запоставила амбициите и животот за да им помогне на браќата, но и дека наскоро ќе се омажи за богат човек кој ќе се грижи за неа, додека синовите ќе останат со сопругите во родниот крај, земја, дом. Иако се обидела да го премисли својот сопруг, наишла на неодобрување и незаинтересираност. Сепак, единствено што и останало е директно да побара од ќерката да се откаже од наследството во корист на нејзините браќа. Експертите се обидоа да го објаснат овој случај на два начина:

„Постои разлика помеѓу еднаква распределба на богатството, каде секое дете добива подеднакво, и правично наследство, каде секое дете го добива она што го заслужува врз основа на околностите што се случиле, како во овој случај.

Јасно е дека таткото сакал да ѝ даде на ќерката поголем дел од наследството врз основа на огромната жртва и подготвеноста да го преземе семејниот бизнис, како и да му помогне на својот брат да го заврши медицинското училиште, што многу го ценел. Меѓутоа, мајката мисли поинаку, а коментарите кои следеа под нејзината објава беа претежно полни со остри зборови, како на пример:

„Твојата ќерка го напуштила факултетот за да го преземе семејниот бизнис. Колку е праведно да ја казнуваш под изговор дека ќе се омажи за богат?

„Таа ја презела одговорноста за браќата и сакате да ја казните? Срам да ви е“.

„Повеќе ги сакате синовите отколку ќерката“, гласи друг коментар.

Што мислите за ова?

Фото: unpslash